26 C
Sri Lanka
27 November,2021

පළාත් සභා ඡන්දය ගැන
කෙටුම්පත් තවම නෑ

Must read

■ අමන්දිකා කුරේ

පළාත් සභා ඡන්දය පැවැත්වීම සම්බන්ධයෙන් තවමත් කිසිදු කෙටුම්පතක් සකස් කර නොමැති බව අනිද්දා කළ විමසීමක දී රාජ්‍ය සේවා, පළාත් සභා හා පළාත් පාලන අමාත්‍යංශයේ ලේකම් ජේ.ජේ.රත්නසිරි ප්‍රකාශ කළේ ය.


නීතිපති උපදෙස් අනුව, දැනට පවතින පනත හෝ පැරණි පනත යටතේ පළාත් සභා ඡන්දය පැවැත්වීමට නොහැකි බැවින් නව කෙටුම්පතක් සකස් කළ යුතු බවත් ඒ සඳහා කොපමණ කාලයක් ගතවේදැයි තමාට නිශ්චිත වශයෙන් කිව නොහැකි බවත් ඒ මහතා ප්‍රකාශ කළේ ය.


නව කෙටුම්පතක් සකස් කිරීමට, ඒ සම්බන්ධයෙන් පත් කළ පාර්ලිමේන්තු කාරක සභාවේ නිර්දේශ ලැබෙන තෙක් සිටිය යුතු බවද ඔහු වැඩි දුරටත් ප්‍රකාශ කළේ ය.
පළාත් සභා ඡන්දය පැවැත්වීම දිගින් දිගටම ප්‍රමාද වීම සම්බන්ධයෙන් සුළු ජාතික පක්ෂ පසුගිය කාලයේ සිය විරෝධය පළ කළ අතර පසුගියදා ශ්‍රී ලංකා සංචාරයකට පැමිණි ඉන්දීය විදේශ ලේකම්වරයාද පළාත් සභා ඡන්දය පැවැත්වීම සම්බන්ධයෙන් ආණ්ඩුව සමග ද සාකච්ඡා කර තිබුණි. එමෙන්ම එම සංචාරය සම්බන්ධයෙන් ශ්‍රී ලංකාවේ ඉන්දීය මහා කොමසාරිස් කාර්යාලය නිකුත් කළ නිවේදනයේද පළාත් සභා මැතිවරණය පැවැත්වීම සම්බන්ධයෙන් ඉන්දියාවේ ස්ථාවරය දක්වා තිබුණි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි