21 C
Sri Lanka
21 September,2021

නීතිය අනුගමනය කර නැතිනම් සමාව දීම අසාධාරණයි – ශ්‍රී ලංකා නීතිඥ සංගමය

Must read

දුමින්ද සිල්වා මහතාට විශේෂ ජනාධිපති සමාව ලබාදීම සම්බන්ධයෙන් ශ්‍රී ලංකා නීතිඥ සංගමය සිය බරපතළ අවධානය යොමුකර තිබේ.

ජුනි 24වැනිදා දාතමින් යුක්තව නීතිඥ සංගමයේ ලේකම් හා සභාපතිවරයාගේ අත්සනින් නිකුත්කර ඇති නිවේදනයක ඒ බව සඳහන් වෙයි. ත්‍රිපුද්ගල මහාධිකරණයක් විසින් මිනීමැරීම හා නීති විරෝධී රැස්වීම ඇතුළු චෝදනාවලට වරදකරු කරන ලද දුමින්ද සිල්වා මහතාගේ දඬුවම හිටපු අගවිනිසුරු පියසාත් ඩෙප් ඇතුළු ශ්‍රේෂ්ඨාධිකරණ විනිසුරු මණ්ඩලයකින් තහවුරු කරන ලද බවද එම නිවේදනයේ දැක්වෙයි. මරණ දඬුවමකට නියමවූවකුට විශේෂ ජනාධිපති සමාව ලබාදීම සඳහා ආණ්ඩුක්‍රම ව්‍යවස්ථාවේ විශේෂ ප්‍රතිපාදන තිබෙන බවත් මේ අවස්ථාවේදී එම විධිවිධාන අනුව අදාළ අනුමැතීන් ලබාගත්තේදැයි දැනගැනීමට රටේ මහජනතාවට අයිතියක් තිබෙන බවත් සංගමය කියයි.

පහත කාරණා සම්බන්ධයෙන් ශ්‍රී ලංකා නීතිඥ සංගමයට හා මහජනතාවට කරුණු දැනගන්නට සලස්වන ලෙස ජනාධිපතිවරයාට දන්වා යැවූ බවද නීතිඥ සංගමයේ නිවේදනයේ දැක්වෙයි.
එම කරුණු මෙසේය.

(අ) ආණ්ඩුක්‍රම ව්‍යවස්ථාවේ 34 (1) ව්‍යවස්ථාව යටතේ සමාව ලබා දීම සඳහා දුමින්ද සිල්වා තෝරාගත් පදනම කවරේද;

(ආ) එවැනි සමාව ලබා දීමේදී සැලකිල්ලට ගත් තත්වයන්;

(ඇ) දුමින්ද සිල්වාගේ නඩුව දැනට මරණ දඬුවම් නියම කර ඇති අනෙක් අයගෙන් කැපී පෙනීමට හේතු;

(ඈ) දුමින්ද සිල්වාට සමාව දීමට පෙර 34 (1) වන වගන්තියට විධිවිධාන මගින් නියම කර ඇති පරිදි නඩු විභාග විනිසුරුවන්ගෙන් අතිගරු ජනාධිපතිතුමා විසින් වාර්තාවක් කැඳවනු ලැබුවාද සහ එසේ නම් වාර්තාවේ අන්තර්ගතය.

(ඉ) දුමින්ද සිල්වාට සමාව ලබා දීමට පෙර නීතිපතිවරයාගේ උපදෙස් ඉල්ලා සිටියේද සහ එසේ නම් එවැනි උපදෙස්වල අන්තර්ගතය.

(ඊ) දුමින්ද සිල්වාට සමාව දීමට පෙර අධිකරණ අමාත්‍යවරයාගේ නිර්දේශය ලබාගෙන තිබේද සහ එසේ නම් අධිකරණ අමාත්‍යවරයා එවැනි නිර්දේශයක් කළේද යන්න.

ශ්‍රී ලංකා නීතිඥ සංගමය කියා සිටින්නේ ඉහත සඳහන් කරුණු එකක් හෝ වැඩි ගණනක් පිළිබඳ සෑහීමකට පත් නොවිය හැකි නම්, ලබා දී ඇති සමාව අසාධාරණ සහ අත්තනෝමතික වනු ඇති බවයි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි