21.1 C
Sri Lanka
19 October,2021

නිශ්චිත හේතු නොදන්වා සීඅයිඩීයට කැඳවීමෙන් මන්ත්‍රී වරප්‍රසාද කඩ වෙලා –
මනූෂ නානායක්කාර කතානායකට දැනුම් දෙයි

Must read

■ අමන්දිකා කුරේ


නිශ්චිත හේතුවක් නොදන්වා තමාව අපරාධ පරීක්ෂණ දෙපාර්තමේන්තුව (සීඅයිඩීය) හමුවට කැඳවීම තමාගේ පාර්ලිමේන්තු මන්ත්‍රී වරප්‍රසාද හා සිවිල් පුරවැසි අයිතිවාසිකම් කඩකිරීමක් බවට සමගි ජන බලවේගයේ පාර්ලිමේන්තු මන්ත්‍රී මනූෂ නානායක්කාර පාර්ලිමේන්තුවේදී අද දින (සැප්තැම්බර් 21) ප්‍රකාශ කළේ ය.


එලෙස තමාව කැඳවීම සම්බන්ධයෙන් අපරාධ පරීක්ෂණ දෙපාර්තමේන්තුවේ අධ්‍යක්ෂකවරයා හා ඩිජිටල් වෝහාරික විද්‍යාගාර ස්ථානාධිපතිවරයාව පාර්ලිමේන්තු වරප්‍රසාද හමුවේ කැඳවා ඔවුන්ගේ එම ක්‍රියාව නිසා තමාගේ පාර්ලිමේන්තු වරප්‍රසාද කඩ වී ඇති බවට නියෝගයක් නිකුත් කරන ලෙස මන්ත්‍රීවරයා එහිදී කතානායකවරයාගෙන් ඉල්ලා සිටියේ ය.


මෙලෙස විපක්ෂයේ සක්‍රීය මන්ත්‍රීවරුන් සීඅයිඩීය හමුවට ගෙන්වන්නේ ඔවුන් බියගන්වන්නටදැයි සැකයක් පවතින බවට මන්ත්‍රීවරයා වැඩිදුරටත් ප්‍රකාශ කළේ ය.


අපරාධ පරීක්ෂණ දෙපාර්තමේන්තුවේ පරිගණක වෝහරික අංශය මඟින් සිදුකරන විමර්ශනයකට අදාල තොරතුරු ලබා ගැනීම සඳහා අපරාධ පරීක්ෂණ දෙපාර්තමේන්තුවේ පෙනී සිටින ලෙසට නාරාහේන්පිට පොලිස් ස්ථානය මගින් මනූෂ නානායක්කාර මන්ත්‍රීවරයාට කැඳවීමක් ලැබී තිබූ අතර ඊයේ දින (සැප්.20) මන්ත්‍රීවරයා වෙනුවට ඔහුගේ නීතීඥවරයා මෙම කැඳවීමට අදාලව හේතු පැහැදිලිකරන ලෙස ඉල්ලා අපරාධ පරීක්ෂණ දෙපාර්තමේන්තුවට ලිපියක් බාර දී තිබුණි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි