No menu items!
22.3 C
Sri Lanka
29 March,2024

නැවතත් කොවිඩ් අනුපොකුරු

Must read

■ අමන්දිකා කුරේ


නැවත වතාවක් රටේ ඇතැම් ප්‍රදේශවලින් කොවිඩ් අනුපොකුරු හඳුනාගැනීමට හැකිව තිබෙන බව මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ අප කළ විමසීමකදී පැවසීය.


අනුරාධපුර, ගම්පහ, මාතර යන දිස්ත්‍රික්කවල වැඩි වශයෙන් එය නිරීක්ෂණය වී ඇති බවත් මීට පෙර පැවති තත්වයට වඩා මේ දින කිහිපය තුළ බිම් මට්ටමේ රෝගීන් වර්ධනය වීමේ සුළු වැඩිවීමක් හඳුනා ගැනීමට හැකිව ඇති බව ද ඔහු ප්‍රකාශ කළේ ය.


මීට පෙර දිනකට පීසීආර් පරීක්ෂණ 20000ක් පමණ සිදුකර තිබූ අතර මේ වන විට ඒ ප්‍රමාණය සාමාන්‍යයෙන් 500ක් පමණ වන බවත් ඒවා සිදුකරන්නේද රෝහල් ආශ්‍රිතව පමණක් බවත් උපුල් රෝහණ මහතා කියා සිටියේය.

මීට පෙර සමාජය පුරාම රෝගය පැතිරී තිබූ අවස්ථාවේ තත්වය වටහා ගැනීමට අහඹු පීසීආර් අවශ්‍ය නොවූවද මේ වන විට අහඹු පීසීආර් පරීක්ෂණ සිදු නොකර සිටීමෙන් පවතින තත්වය නිවැරදිව හඳුනාගැනීමට නොහැකි වීමක් සිදුව ඇති නිසා දිස්ත්‍රික්ක 25ම ආවරණය වන පරිදි පීසීආර් හා ඇන්ටිජන් පරීක්ෂණ සිදු කළ යුතු බව ඒ මහතා පෙන්වා දෙයි.


ශ්‍රී ලංකා වෛද්‍ය සංගමයේ සභාපති වෛද්‍ය පද්මා ගුණරත්න ද සංචරණ සීමා ඉවත් වීමෙන් පසු කොවිඩ් රෝගීන් වාර්තා වීමේ වැඩිවීමක් නිරීක්ෂණය කළ හැකි බවට නොවැම්බර් 03 වන දින මාධ්‍යට අදහස් දක්වා තිබූ අතර ඔක්තෝබර් 26 වන දින ශ්‍රී ලංකා වෛද්‍ය සංගමය විසින් ඉදිරියේදී නැවතත් කොවිඩ් රැල්ලකට මුහුණ දීමට සිදු වනු ඇති බවට අනතුරු හඟවා ජනාධිපතිවරයාට ලිපියක්ද යොමු කර තිබුණි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි