25.7 C
Sri Lanka
23 October,2021

තුන්වන පාර්ශවයේ රක්ෂණවලට අලුතින් සියයට 2ක බද්දක්

Must read

තුන්වන පාර්ශවයේ වාහන රක්ෂණ සම්බන්ධයෙන් ඔක්තෝබර් මස 01 වැනිදා සිට සියයට 2ක අලුත් බද්දක් ආණ්ඩුව පනවා ඇත.


තුන්වන පාර්ශවයේ රක්ෂණ වාරිකයේ අගයෙන් එම සියයට 2ක මුදල රක්ෂණ සමාගම් මාර්ග ආරක්ෂා අරමුදලට බැරවන ලෙස ලබාදිය යුතුය.


ප්‍රවාහන අමාත්‍යවරයා මෝටර් වාහන පනත යටතේ කරනු ලැබූ නියෝගයක් වශයෙන් මෙම බද්ද පනවා ඇති අතර එය සැප්තැම්බර් 17 දින අංක 2245/31 දරණ අති විශේෂ ගැසට් පත්‍රය යටතේ ප්‍රකාශයට පත්කර ඇත.


මේ වනවිටත් පූර්ණ හා තුන්වන පාර්ශවයේ යන සෑම රක්ෂණයකින්ම නියම කරන ලද මුදලක් මාර්ග ආරක්ෂා අරමුදලට බැර කරන බව අනිද්දා කළ විමසීමකදී ශ්‍රී ලංකා රක්ෂණ සංස්ථාවේ ඉහළ නිලධාරියකු පැවසීය. ඔහු පැහැදිලි කළේ තුන්වන පාර්ශවයේ රක්ෂණ සම්බන්ධයෙන් පුද්ගලයන් හා දේපල යන සියලු බාහිර පාර්ශවයන්ට රක්ෂණ හිමිකම් ගෙවනු ලබන තත්වයක් තුළ තුන්වන පාර්ශවයේ රක්ෂණයන් සඳහා පමණක් මාර්ග ආරක්ෂා අරමුදලට සියයට 2ක අලුත් විශාල බද්දක් ඇයිද යන්න ප්‍රශ්නයක් බවය.


සියලු වාහන රක්ෂණ සම්බන්ධයෙන් ශ්‍රී ලංකා රක්ෂණ සංස්ථාව මේ වනවිට කාරයක් සඳහා රුපියල් 10ක්, ලොරියක් සඳහා රුපියල් 15ක්, ද්විත්ව වාහනයක් සඳහා රුපියල් 10ක්, යතුරු පැදියක් සඳහා රුපියල් 4.68ක්, මෝටර් කෝච් සඳහා රුපියල් 11ක්, ඇම්බියුලන්ස් රථයක් සඳහා රුපියල් 10ක් ට්රේලයක් සඳහා රුපියල් 3.75ක් හා ට්‍රැක්ටරයක් සඳහා රුපියල් 7ක් වශයෙන් මාර්ග ආරක්ෂා අරමුදලට බැරකරනු ලබන බව ඔහු පවසයි. වාරිකයේ මුදල අනුව මාර්ග ආරක්ෂා අරමුදලෙන් එම මුදල තීරණය වී ඇති බවද ඔහු පවසයි. එමෙන්ම ඒ ඒ රක්ෂණ සමාගම් අයකරනු ලබන වාරිකයේ මුදල අනුව එම ගණන් වෙනස් විය හැකි බවද ඔහු පවසයි. වර්තමානයේ මාර්ග ආරක්ෂා අරමුදලට ලබා ගන්නා එම මුදල් හා සැසැඳීමේදී සියයට 2ක බද්දක් යන්න විශාල අගයක් යන්න ඔහුගේ අදහසය.


බොහෝ විට තුන්වන පාර්ශවයේ රක්ෂණ සිදුකරනු ලබන්නේ ලීසිං හෝ ෆිනෑන්ස් වාරික ගෙවීමට නොමැති යතුරු පැදි හා ත්‍රීවීල් රථ වැනි වාහනත්, ටැක්ටර්, ස්කැමල්, ලොරි හා ට්රේලර් ආදියත් බව ඔහු වැඩිදුරටත් පවසයි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි