20.6 C
Sri Lanka
18 October,2021

චම්පික කොමිසමට ගොස් අභියෝග කරයි

Must read

 

දේශපාලන පළිගැනීම් පිළිබඳ ජනාධිපති කොමිසම ඉදිරියේ විභාග වන ඇවන්ගාඞ් අධිපති නිශ්ශංක සේනාධිපතිගේ පැමිණිල්ල විභාග කිරීම නීති විරෝධී බව පෙන්වමින් අධිකරණය ඉදිරියට යෑමට හිටපු අමාත්‍ය පාඨලී චම්පික රණවක බලාපොරොත්තු නොවන බවත්, ඒ වෙනුවට කොමිසම ඉදිරියේ කරුණු දැක්වීමට බලාපොරොත්තු වන බවත් නීතිඥ ශිරාල් ලක්තිලක පැවසීය.

අමාත්‍යවරයා වෙනුවෙන් තමන් කොමිසම ඉදිරියේ පෙනී සිටින බවත්, ඉදිරියේදී නීතිපති දෙපාර්තමේන්තුවේ නිලධාරියෙකු වූ සුහද ගම්ලත් ප්‍රශ්න කිරීමට බලාපොරොත්තු වන බවත් ඔහු කීය. සුහද ගම්ලත් විශ්වසනීය පුද්ගලයෙක්ද, ඔහුට බැඳියාවන් අතර ගැටුම් නැතිද, ඔහු කර ඇති ක්‍රියාකාරකම් මොනවාද යන්න ඔහුගෙන් ප්‍රශ්න කරන බව ලක්තිලක මහතා පැවසීය. සුහද ගම්ලත් පිළිබඳ හෙළිදරව් කරමින්, ඔහු විශ්වාස කළ හැකි පුද්ගලයෙකු නොවන බව පෙන්වාදීමට බලාපොරොත්තු වන බවද ඔහු කීය.

මෙම කොමිසමේ ක්‍රියාකාරිත්වය නීත්‍යනුකූල වුවත්, නීති විරෝධී වුවත් මෙය දේශපාලනික අභියෝගයක් බවත්, එම නිසා දේශපාලනික වශයෙන් එම තත්වයට මුහුණදීමට බලාපොරොත්තු වන බවත් ඔහු කීය.

උක්ත ජනාධිපති කොමිසම රාජ්‍ය සේවකයන්ට සිදුවූ දේශපාලන පළිගැනීම් පිළිබඳ සොයාබැලීමට පත්කරන ලද ජනාධිපති කොමිසමක් වන අතර පෞද්ගලික ආයතනයක් වන ඇවන්ගාඞ් සමාගමේ අධිපති නිශ්ශංක සේනාධිපතිගේ පැමිණිල්ලක් එම කොමිසම ඉදිරියේ විභාග කිරීමට එරෙහිව රිට් ආඥා ඉල්ලා ජවිපෙ නායක අනුර කුමාර දිසානායක හා අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ ශානි අබේසේකර අභියාචනාධිකරණයේ පෙත්සම් ගොනුකර තිබුණි. එම පෙත්සම් විභාගයට ගත් අවස්ථාවේ ජනාධිපති කොමිසම වෙනුවෙන් පෙනී සිටි නීතිඥයා ප්‍රකාශ කර තිබුණේ අනුර කුමාර දිසානායක, ශානි අබේසේකර හා නීතිපති දෙපාර්තමේන්තුවේ අධිනීතිඥ නවරත්න බණ්ඩාර කොමිසම හමුවට නඩු විභාගය අවසන් වන තෙක් නොකැඳවන බවය.■

 

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි