No menu items!
26.2 C
Sri Lanka
28 March,2024

ගෝඨාභය-මහින්ද භූමදානයට එකඟයි

Must read

මුස්ලිම් ජනතාවගේ භූමදාන අයිතිය ලබාදීමට අග්‍රාමාත්‍ය මහින්ද රාජපක්ෂ සහ ජනාධිපති ගෝඨාභය රාජපක්ෂ සාකච්ඡා කොට තීන්දු කර ඇතැයි පෙබරවාරි 09 වැනිදා පැවති ආණ්ඩු පක්ෂයේ පක්ෂ නායක රැස්වීමේදී අග්‍රාමාත්‍යවරයා ප්‍රකාශ කර තිබේ.
ඉදිරියේදී පැවැත්වෙන ජිනීවාහි එක්සත් ජාතීන්ගේ මානව හිමිකම් කවුන්සිලයේ සැසිවාරය නිසා ශ්‍රී ලංකාවේ මානව හිමිකම් චෝදනාවලින් ආරක්ෂා වීම වෙනුවෙන් භූමදානය සඳහා අවසර දීම ඇතුළු තීන්දු කිහිපයක් ගත් බව එහිදී අග්‍රාමාත්‍යවරයා කියා තිබේ.
එම තීන්දුව සෞඛ්‍ය අමාත්‍යාංශය භූමදානය පිළිබඳ විමසීමට පත් කර ඇති කමිටුවට දැනුම් දී, එම කමිටුවේ තීන්දුවක් ලෙස ප්‍රකාශයට පත් කිරීමට නියමිතව තිබී ඇත. කොවිඩ්-19 ජලයෙන් බෝ නොවන බව රාජ්‍ය අමාත්‍ය සුදර්ශනී ප්‍රනාන්දුපුල්ලේ පාර්ලිමේන්තුවේදී පිළිගෙන තිබියදී භූමදානය සඳහා අවසර නොදෙන්නේදැයි සමගි ජන බලවේගයේ පාර්ලිමේන්තු මන්ත්‍රී එස්.එම්. මරික්කාර් පෙබරවාරි 10 වැනිදා පාර්ලිමේන්තුවේදී කළ විමසීමකදී, භූමදානයට අවසර දෙනවායැයි අග්‍රමාත්‍ය මහින්ද රාජපක්ෂ ප්‍රකාශ කර ඇත.
එම ප්‍රකාශයට ස්තූති කරමින් පාකිස්ථාන අගමැති ඉම්රාන් ඛාන් ට්විටර් පණිවුඩයක්ද නිකුත් කර තිබුණි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි