22.4 C
Sri Lanka
26 October,2021

ගුණසිංහපුරෙන් නිරෝධායනයට ගිය දෙදෙනෙක් මියයති

Must read

ගුණසිංහපුර බස් නැවතුම්පොළෙහි දින දෙකක් රඳවා තබා ගෙන නිරෝධායන මධ්‍යස්ථාන වෙත රැගෙන ගිය පුද්ගලයන් දෙදෙනෙකු මරණයට පත්වී ඇති බව වාර්තා වේ.


මුලතිව් ප‍්‍රදේශයේ ගුවන් හමුදාව පවත්වාගෙන යනු ලබන නිරෝධායන මධ්‍යස්ථානයක සිටි පුද්ගලයන් දෙදෙනා මැයි 01 වන දින ජීවිතක්ෂයට පත්වී ඇති අතර ඔවුන්ට කොවිඞ්-19 තිබී ඇතිදැයි පීසීආර් පරීක්ෂණයට ලක් කිරීම සඳහා මරණයෙන් පසුව සාම්පල් ලබාගෙන ඇත.


අනිද්දා මේ පිළිබඳව ගුවන් හමුදා මාධ්‍ය ප‍්‍රකාශක දුෂාන් විජේසිංහගෙන් කළ විමසීමකදී ඔහු එම පුද්ගලයන් මරණයට පත්වී ඇති බවත්, ඔවුන්ගේ සාම්පල් ලබාගෙන ඇති බවත් තහවුරු කළේය. පීසීආර් පරීක්ෂණවල ප‍්‍රතිඵල ලැබී නැති බවද ඔහු කීය.


පුද්ගලයන් දෙදෙනා නිරෝධායන කඳවුරට ලබා දී ඇති විස්තර අනුව ඔවුන්ගේ වසය අවුරුදු 80 කට වැඩි බවත් ශරීරය දුර්වල වීම නිසා මුල්ලියාවෙලි දිස්ත‍්‍රික් රෝහලට ඇතුලත් කර ඇති බවත් එහිදී මරණයට පත්වී ඇති බවත් ඔහු කීය.


කොළඹ කොටුව ගුණසිංහපුර බස් නැවතුම්පොළේ රඳවාගෙන සිටි යාචකයන්, පදික වෙළෙන්දන් ඇතුළු ස්ථීර පදිංචියක් නැති පුද්ගලයන් පිරිසක් අපේ‍්‍රල් 14 ත් 16 යන දිනවලදී ගුවන් හමුදාව මුලතිව් ප‍්‍රදේශයේ නිරෝධායන මධ්‍යස්ථානයට ගෙන යනු ලැබීය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි