20 C
Sri Lanka
2 December,2021

කොවිඩ් සඳහා ද. ආසියාවේ
අඩුම වියදම ලංකාවෙන්: ඉරාන්

Must read

■ අමන්දිකා කුරේ


කොරෝනා වසංගතය මැඩපැවැත්වීම සඳහා දකුණු ආසියානු රටවල් අතරින් අඩුම මුදල් ප්‍රතිශතයක් වියදම් කර ඇත්තේ ශ්‍රී ලංකාව බව සමගි ජන බලවේගයේ පාර්ලිමේන්තු මන්ත්‍රී ඉරාන් වික්‍රමරත්න පවසයි.


නොවැම්බර් 11 දින අප කළ විමසීමකදී ඔහු කියා සිටියේ ජාත්‍යන්තර මූල්‍ය අරමුදලේ වෙබ් අඩවියේ සඳහන් කර ඇති දත්ත අනුව දළ දේශීය නිෂ්පාදිතයෙන් අඩුම ප්‍රතිශතයක් වසංගතය වෙනුවෙන් වෙන් කර ඇත්තේ ශ්‍රී ලංකාව බවයි.”වසංගතය මැඩ පැවැත්වීමට දළ දේශීය නිෂ්පාදිතයෙන් ප්‍රතිශතයක් ලෙසට මාලදිවයින 6.9%ක්, ඉන්දියාව 3.5%ක්, ඇෆ්ගනිස්තානය 2.1%ක්, පකිස්තානය 2%ක් හා බංගලාදේශය 1.4%ක් වැය කරලා තිබියදී ශ්‍රී ලංකාව වැය කරලා තියෙන්නේ 0.8%ක් පමණයි.”


නිසි වේලාවට එන්නත්කරණය නොකළ නිසා මරණ සංඛ්‍යාව 14,000ක් දක්වා ඉහළ ගිය බවත් ශ්‍රී ලංකාවේ මරණ අනුපාතිකය ජනගහනයෙන් මිලියනයකට 144ක් බවත් මන්ත්‍රීවරයා ප්‍රකාශ කළේ ය. ඉන්දියාව හැර අනෙකුත් දකුණු ආසියානු රටවල මරණ අනුපාතිකය ශ්‍රී ලංකාවට වඩා අඩු බවද ඔහු ප්‍රකාශ කළේ ය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි