21.1 C
Sri Lanka
19 October,2021

කොවිඞ්-19 මැද මානව හිමිකම් කඩන රටවල් අතරට ශ‍්‍රී ලංකාවත් එකතු කරලා

Must read


කොවිඞ්-19 වසංගත සමයේදී පොලිස් හිංසනය ක‍්‍රියාත්මක කරමින් මානව හිමිකම් උල්ලංඝනය කරන රටවල් පිළිබඳව එක්සත් ජාතීන්ගේ මානව හිමිකම් මහ කොමසාරිස් කාර්යාලය නිකුත් කළ නිවේදනයකට ශ‍්‍රී ලංකාවේ නමද ඇතුළත් කර ඇත.


අපේ‍්‍රල් 27 වැනිදා එක්සත් ජාතීන්ගේ මානව හිමිකම් මහ කොමසාරිස් මිෂෙල් බැචලේ ඇතුළු නිලධාරීහු පිරිසක් මෙම තත්වය පිළිබඳව මාධ්‍ය වෙත අදහස් දැක්වූහ. එම අදහස් ඇසුරෙන් නිවේදනයක් නිකුත් කර තිබුණි. මානව හිමිකම් උල්ලංඝනය නොකර ඇඳිරි නීතිය ක‍්‍රියාත්මක කිරීම පිළිබඳව උපදෙස් මාලාවක්ද නිකුත් කර ඇත.


ශ‍්‍රී ලංකාවෙහි 26,800කට වැඩි පිරිසක් ඇඳිරි නීතිය කඩකළායැයි අත්අඩංගුවට ගෙන රඳවාගෙන තබාගෙන සිට ඇතැයි එහිදී සඳහන් කර තිබේ.


මානව හිමිකම් උල්ලංඝනය කර ඇති රටවල් 80ක නම් සඳහන් කර ඇති අතර වඩාත් භයානක ලෙස පොලිස් හිංසනය ක‍්‍රියාත්මක වන රටවල් 15ක නම් සඳහන් කර ඇත. ශ‍්‍රී ලංකාවද ඒ රටවල් 15 අතර ඇත.


නයිජීරියාව, කෙන්යාව, දකුණු අප‍්‍රිකාව, පිලිපීනය, ශ‍්‍රී ලංකාව, එල් සැල්වර්දෝර්, ඩොමිනිකන් රිපබ්ලික්, පෙරූ, හොන්ඩුරස්, ජෝර්දානය, මොරොක්කෝ, කාම්බෝජය, උස්බෙකිස්ථානය, ඉරානය සහ හංගේරියාව එම රටවල්ය.


දරුණු ඇඳිරි නීති සංස්කෘතියක් ක‍්‍රියාත්මක කරන බව එම නිවේදනයෙහි සඳහන්ය. කොවිඞ්-19 වසංගත තත්වය හදිසි තත්වයක් ලෙස ප‍්‍රකාශ කරමින් පුද්ගලයන් විශාල වශයෙන් අත්අඩංගුවට ගෙන රඳවාගෙන සිටීම සහ ඇතැම් රටවල්වල පුද්ගලයන් ඝාතනය කිරීම ගැන එහි සඳහන්ය.


පුද්ගලයන් ආහාර සොයාගත නොහැකිව අසීරු තත්වයන් යටතේ ඇඳිරි නීතිය උල්ලංඝනය කරන අවස්ථාවද ඇති බවත් එවැනි පුද්ගලයන් අත්අඩංගුවට ගැනීමක් නොකළ යුතු බවත් මානව හිමිකම් මහකොමසාරිස් කාර්යාලය පෙන්වාදී ඇත.
එමෙන්ම අදහස් ප‍්‍රකාශ කිරීමේ අයිතිය මර්දනය කරමින් අදහස් ප‍්‍රකාශනයේ අයිතිය සීමා කිරීම ගැනද එහි සඳහන් කර තිබේ.

අනුරංග ජයසිංහ

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි