21.6 C
Sri Lanka
26 September,2021

කොම්පඤ්ඤ වීදියේ හමුදා ඉඩම චීනයට!

Must read

■ ප්‍රියන්ජිත් ආලෝකබණ්ඩාර

කොළඹ කොම්පඤ්ඤවීදියේ සිටි ලීග් ක්‍රීඩාංගනය ආසන්නයේ  බේරේ වැව අසල ඇති ශ්‍රී ලංකා යුද හමුදා විදුලි හා යාන්ත්‍රික ඉංජිනේරු දෙපාර්තමේන්තු ඉඩම චීන සමාගමකට ලබාදීම සඳහා කටයුතු සිදුවෙමින් පවතින බව හමුදා ආරංචි මාර්ග ප්‍රකාශ කරයි.

එහි ප්‍රථම පියවරක් ලෙස එහි තිබූ කර්මාන්ත ශාලාව කොස්ගම සාලාව ප්‍රදේශයේ දෙසැම්බර් 12 වැනිදා ස්ථාපිත කර ඇති අතර ඒ සඳහා පැවති උත්සවයේ ප්‍රධාන ආරාධිතයා ලෙස යුද හමුදාපති ශවේන්ද්‍ර සිල්වා සහභාගිවී තිබේ. එම දෙපාර්තමේන්තුවට  අයත් ප්‍රධානම කටයුත්ත සිදුකළ කර්මාන්ත ශාලාව සාලාවට ගෙන යෑමෙන් පසු රෙජිමේන්තු මූලස්ථානය පමණක් දැනට එම ස්ථානයේ පවතින අතර එයද ඉදිරියේදී වෙනත් ස්ථානයකට ගෙනයෑමට නියමිත බව හමුදා ආරංචි මාර්ග වැඩිදුරටත් ප්‍රකාශ කරයි.

යුද හමුදා වාහන අලුත්වැඩියාව හා යුද වාහන අලුතින් නිර්මාණය කිරීම විදුලි හා යාන්ත්‍රික ඉංජිනේරු කර්මාන්ත ශාලාවේ සිදුකර ඇත. දෙසැම්බර් 12 වැනිදා සාලාවේ පැවති උත්සවයේදී එම කර්මාන්ත ශාලාවේ නිපදවූ යුද වාහන එක්සත් ජාතීන්ගේ හමුදාව පවා මිලදී ගෙන ඇති බව යුද හමුදාපතිවරයා සිය කතාවේදී ප්‍රකාශ කර ඇත.

මේ සම්බන්ධයෙන් කළ විිමසීමකදී විදුලි හා යාන්ත්‍රික ඉංජිනේරු කර්මාන්ත ශාලාව සාලාවට ගෙන ගිය බව පිළිගත් හමුදා මාධ්‍ය ප්‍රකාශක බි්‍රගේඩියර් චන්දන වික්‍රමසිංහ වැඩිදුරටත් පැවසුවේ එම ඉඩමට සිදුවන්නේ කුමක්දැයි තමා නොදන්නා බවය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි