No menu items!
29.7 C
Sri Lanka
29 March,2024

කුරුණෑගල රෝහලේ අධ්‍යක්ෂක මාරු කරයි

Must read

කුරුණෑගල ශික්ෂණ රෝහලේ අධ්‍යක්ෂක දන්ත වෛද්‍ය සරත් වීරබණ්ඩාර මහතාව  කුරුණෑගල රෝහලේ අධ්‍යක්ෂක තනතුරෙන් ඉවත් කර සෞඛ්‍ය අමාත්‍යංශයට මාරු කර ඇති බව වාර්තා වේ.

සෞඛ්‍ය හා දේශීය වෛද්‍ය සේවා අමාත්‍යංශයේ ලේකම් භද්‍රානි ජයවර්ධන මහත්මියගේ අත්සනින් යුතුව අදාල  ලිපිය මැයි 07 වන දින දන්ත වෛද්‍ය වීරබණ්ඩාර මහාතාට යවා ඇත. ලිපියේ සදහන් වන පරිදි දන්ත වෛද්‍ය වීරබණ්ඩාර සම්බන්ධයෙන්   මුලික පරීක්ෂණයක් පැවැත්වීමටද නියමිතව ඇත.

මෙම අධ්‍යක්ෂවරයාව ඉවත් කරන ලෙස ඉල්ලා කුරුණෑගල රෝහලේ කාර්යමණ්ඩලය විරෝධතාවයක නිරත වූ අතර, ඔහුව ඉවත් නොකළොත් වැඩවර්ජනයක නිරත වන බව ප‍්‍රකාශ කර තිබුණි. කොවිඩ්-19 රෝගය මර්දනය කිරීම සඳහා කුරුණෑගල රෝහල ගතයුතුව තිබුණු ක‍්‍රියාමාර්ග නොගත් බවත්, අවශ්‍ය උපකරණ සපයාගැනීමට කටයුතු නොකළ බවත්, කොවිඩ්-19 රෝගීන් සඳහා වාට්ටු සකස් කිරීමේදී නොසැලකිලිමත් ආකාරයට කටයුතු කළ බවත්, රෝහල් කාර්යමණ්ඩලයට රෝගය පැතිරීමේ අවදානමක් ඇතිවන ආකාරයට කටයුතු කළ බවත්, කොවිඩ්-19 පිළිබඳව විශේෂඥයන්ගේ උපදෙස් අනුව කටයුතු නොකළ බවත් කාර්යමණ්ඩලය චෝදනා කර තිබුණි.

මෙම අධ්‍යක්ෂවරයා 2019 වසරේ මැයි මාසයේ කුරුණෑගල රෝහලේ වෛද්‍ය සාෆි සියාබ්දීන් කාන්තාවන් වඳභාවයට පත්කිරීමට කටයුතු කර ඇති බවට තහවුරු නොවූ චෝදනා එල්ල කරමින් මාධ්‍ය සාකච්ඡා පවත්වා තිබුණි. එම කාන්තාවන් වඳභාවයට පත්ව ඇතිද, නැද්ද යන්න සොයාබැලීම සඳහා සිදුකළ යුතු එස්.එච්.ජී. පරීක්ෂණය ශරීරයට අහිතකර බවට ව්‍යාජ කරුණු කුරුණෑගල මහේස්ත‍්‍රාත් අධිකරණය ඉදිරියේ ප‍්‍රකාශ කර තිබුණි.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි