22.9 C
Sri Lanka
27 October,2021

කුරුණෑගල දිස්ත‍්‍රික්කයේ 326ක් ස්වයං නිරෝධායනයට

Must read


ආරක්ෂක අංශවල සාමාජිකයන් 9 දෙනෙකු ඇතුළුව කුරුණෑගල දිස්ත‍්‍රික්කයේ කොවිඞ්-19 රෝගීන් 13 දෙනෙකු අපේ‍්‍රල් 26 වැනිදා වන විට හඳුනාගෙන තිබුණු අතර ඒ අනුව දිස්ත‍්‍රික්කයේ පුද්ගලයන් 326 දෙනෙකු ස්වයං නිරෝධායනයට යොමු කර ඇතැයි වයඹ පළාත් සෞඛ්‍ය සේවා අධ්‍යක්ෂ වෛද්‍ය එන්. ෆරීඞ් පවසා ඇත.

වෛද්‍ය ෆරීඞ් ප‍්‍රකාශ කර ඇත්තේ කුරුණෑගල දිස්ත‍්‍රික්කයේ ප‍්‍රදේශ ගණනාවක පුද්ගලයන් මෙලෙස ස්වයං නිරෝධායනයට යොමුකර ඇති බවය. කෙසේ වෙතත් මෙම පුද්ගලයන් විවිධ ප‍්‍රදේශවල විසිරී සිටින නිසා නිරෝධායනයට යොමු කළ යුතු පුද්ගලයන් හඳුනාගැනීම අසීරු වී ඇතැයි ඔහු පවසා ඇත.


සෞඛ්‍ය අමාත්‍යාංශයේ ඉහළ නිලධාරියෙකු නිර්නාමිකව සිටිනු කැමතිව අප සමඟ අදහස් දක්වමින් ප‍්‍රකාශ කළේ ආරක්ෂක අංශවල සාමාජිකයන්ගෙන් එම ප‍්‍රදේශවලට රෝගය පැතිර යන්නට ඇතැයි දැනට සැකයක් පවතින බවය.


අපේ‍්‍රල් 26 වන විට වැලිසර නාවික හමුදා කඳවුරේ 53 දෙනෙකුට කොවිඞ්-19 ඇතැයි තහවුරු වී තිබේ. ඒ අතරින් නිලධාරීන් ගණනාවක් කුරුණෑගල ඇතුළු විවිධ දිස්ත‍්‍රික්කවලට නිවාඩු ගොස් සිටියදී රෝගය වැළඳී ඇතැයි තහවුරු වී ඇත.


යුද හමුදාවේ නිලධාරීන්ට රෝගය වැළඳී ඇතිදැයි කළ විමසීමකදී හමුදා මාධ්‍ය ප‍්‍රකාශක ප‍්‍රකාශ කළේ තමන් අපේ‍්‍රල් 27 වන විට තත්වය නිවැරදිවම නොදන්නා නමුත් අවසාන වතාවට පරීක්ෂා කරන මොහොත වන විට යුද හමුදාවේ 3 දෙනෙකුට රෝගය ඇතැයි තහවුරු වී තිබුණු බවය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි