20.5 C
Sri Lanka
21 September,2021

කතානායක නිල නිවසේ එන්නත් කරලා

Must read

කතානායක මහින්ද යාපා අබේවර්ධන ජංගම එන්නත්කරණ කණ්ඩායමක් නිල නිවසට ගෙන්වා සිය ඥාතීන්ට කොවිඩ් ප්‍රතිශක්තිකරණ එන්නත් ලබාදී ඇතැයි වාර්තාවේ.
මෙම එන්නත්කරණය පසුගිය අගෝස්තු 11 වැනිදා සිදුකර ඇති අතර එහිදී ලබාදී ඇත්තේ ෆයිසර් එන්නත බවද වාර්තාවේ.


මේ සම්බන්ධයෙන් කළ විමසීමකදී කතානායක මහින්ද යාපා අබේවර්්ධන පැවසුවේ එවැනි එන්නත්කරණයක් ඉහත දිනයේ නොකළ බවයි. දින වෙනසකින් යුතුව හෝ එවැනි එන්නත්කරණයක් නිල නිවසේ කළාදැයි තවදුරටත් විමසීමේදී ප්‍රකාශ කළේ සිය කාර්ය මණ්ඩලයට එන්නත් කළ බවය. එය කළේ කෙසේදැයි විමසීමේදී ඔහු පැවසුවේ පිටකෝට්ටේ ප්‍රදේශයේ එන්නත්කරණයක් පැවති අවස්ථාවේ එම ස්ථානයෙන් පිරිසක් ගෙන්වා එම එන්නත්කරණය සිදුකළ බවයි.


කතානායකවරයා එසේ කීවද එන්නත්කරණයේ මුල් අවස්ථාවේ මීට මාස කිහිපයකට පෙර පාර්ලිමේන්තු සේවකයන්ට එන්නත් කිරීම කළ අතර අපගේ පාර්ලිමේන්තු ආරංචි මාර්ග ප්‍රකාශ කරන්නේ එම අවස්ථාවේදී කතානායකවරයාගේ කාර්ය මණ්ඩලයද එන්නත් ලබාගත් බවයි.


ෆයිසර් එන්නත්කරණය සිදුකරන්නේ යුද හමුදාව බැවින් මෙම එන්නත්කරණය ගැන යුද හමුදා මාධ්‍ය ප්‍රකාශක බි්‍රගේඩියර් නිලන්ත ප්‍රේමරත්නගෙන් කළ විමසීමකදී ඔහු ප්‍රකාශ කළේ ඒ ගැන නොදන්නා බැවින් තොරතුරු සොයා පිළිතුරක් ලබාදෙන බවය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි