22.3 C
Sri Lanka
2 December,2021

ඉන්දීය දියර පොහොරවලට මුදල් ගෙවූ ගිණුමට
මහා බැංකු අවසරය නෑ

Must read

ඉන්දියාවෙන් ආනයනය කරන ලද නයිට්‍රජන් දියර පොහොර සඳහා දේශීය නියෝජිත ආයතනයට මුදල් ගෙවූ එම සමාගමේ විද්‍යුත් පැවරුම් හෙවත් ටෙලිග්‍රාෆ් ට්‍රාන්සර් ගිණුම විවෘත කිරීම සම්බන්ධයෙන් ශ්‍රී ලංකා මහා බැංකුවේ අවසරය මෙතෙක් ලැබී නැතැයි මහජන බැංකුවේ අපගේ ආරංචි මාර්ගවලින් වාර්තාවේ.


සාමාන්‍යයෙන් දෙරටක් අතර සිදුවන ගනුදෙනුවලදී එල්සී හෙවත් ණයවර ලිපි මගින් මුදල් පියවීම් සිදුකරන අතර ඉක්මනින් මුදල් යැවීම සඳහා ටෙලිග්‍රාෆ් ගිණුම් විවෘත කරන බවත් ඒ සඳහා ශ්‍රී ලංකා මහා බැංකුවේ අවසරය ලබාගත යුතු බවත් මහජන බැංකුවේ එම ආරංචි මාර්ග තවදුරටත් වාර්තා කරයි.


මහජන බැංකුවේ ටවුන්හෝල් ශාඛාවේ අගෝස්තු 18 දින විවෘත කර ඇති අංක 167 1001 800 2565 විදේශ මුදල් ගිණුම සඳහා භාණ්ඩාගාරය ලංකා පොහොර සමාගම වෙනුවෙන් ඇමරිකානු ඩොලර් 1,247,788.80ක මුදලක් බැර කර ඇති අතර ඉන් ඉන්දියාවෙන් එවූ නයිට්‍රජන් දියර පොහොර වෙනුවෙන් ගෙවා ඇත්තේ ඇමරිකානු ඩොලර් 387,116.23ක් පමණි. මේ අනුව එම ගිණුමේ භාණ්ඩාගාරය බැර කළ මුදලින් ඇමරිකානු ඩොලර් 860,672.57 ඉතිරියක් මේ වනවිට පවතී. නයිට්‍රජන් දියර පොහොර ලීටර් මිලියන 3.1ක ප්‍රමාණයක් ඉන්දියාවෙන් ආනයනය කරන බවට වාර්තා පළවුවද එම අවස්ථාවේදී ආනයනය කරනු ලැබුයේ ලීටර් ලක්ෂයක ප්‍රමාණයක් පමණි.


එම ගිණුම් අංකය යටතේම අගෝස්තු 20 දින විවෘත කරන ලද ශ්‍රී ලංකා රුපියල් ගිණුමට එම ගිණුමේ ඉතිරි මුදලින් ඩොලර් ලක්ෂයක මුදලක් රුපියල් බවට හරවා බැරකරන ලෙසට බලකිරීමක් ජනාධිපති කාර්යාලයේ ඉහළ නිලධාරියෙකුගෙන් එම බැංකුවට නියෝගයක් ලැබී තිබූ බව විජිත හේරත් මහතා පාර්ලිමේන්තුවේදී ප්‍රකාශ කර තිබුණි.
යුනයිටඩ් ෆාමර්ස් ට්‍රස්ට් නම් මෙම දේශීය නියෝජිත සමාගමේ අධ්‍යක්ෂවරුන් වශයෙන් රොහාන් පෙරේරා හා ගිහානි වීරසිංහ කටයුතු කරන බව එම බැංකු ගිණුම්වල සඳහන්වේ.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි