21.6 C
Sri Lanka
26 September,2021

‘අවුරුදු 60ට ඉහළ පුද්ගලයන්ගේ එන්නත්කරණ දත්ත GMOAඉල්ලයි

Must read

■ ප්‍රියාශා හෙට්ටිහේවා

වයස අවුරුදු 60ට ඉහළ පුද්ගලයන්ගේ මරණ සංඛ්‍යාවේ ඉහළයාම වළක්වා ගැනීම සඳහා එම පුද්ගලයන්ගේ එන්නත්කරණ සංඛ්‍යාලේඛන ලබා දෙන ලෙස සෞඛ්‍ය අමාත්‍යවරයාගෙන් ඉල්ලීමක් කළ බව රජයේ වෛද්‍ය නිලධාරීන්ගේ සංගමයේ ලේකම් වෛද්‍ය සෙනාල් ප්‍රනාන්දු පවසයි.


එන්නතෙහි පළමු මාත්‍රාව ලබා ගත් අවුරුදු 60ට ඉහළ පුද්ගලයින් සංඛ්‍යාව, පූර්ණ එන්නත්කරණයට ලක්වූ 60ට ඉහළ සංඛ්‍යාව සහ එන්නත් ලබාගෙන නොමැති 60ට ඉහළ සංඛ්‍යාව සෞඛ්‍ය වෛද්‍ය නිලධාරී කාර්යාල අනුව ලබාගෙන විගණනයක් කිරීමෙන් 60ට ඉහළ පුද්ගලයින් එන්නත්කරණය කර අවසන් කළ හැකි බව වෛද්‍යවරයා පැවසීය. එමගින් සිදුවන මරණ සංඛ්‍යාව අවම කර ගැනීමට හැකිවන බව ඔහු ප්‍රකාශ කළේය.
දෛනික කොරෝනා මරණවලින් වැඩි සංඛ්‍යාවක් අවුරුදු 60ට ඉහළ පුද්ගල මරණ වේ.
අගෝස්තු 25 වන දා සිට 30 වන දා දක්වා වාර්තා වූ කොරෝනා මරණ අතර අවුරුදු 60ට ඉහළ පුද්ගලයන් සංඛ්‍යාව පිළිවෙලින් 163, 151, 173, 156, 170, 146 දෙනෙකු බැගින් වේ.


සෞඛ්‍ය අමාත්‍යාංශය පවසන්නේ, මියයන 60ට වැඩි පිරිස එන්නත් ලබා නොගත් පිරිස් බවය.


වෛද්‍ය සෙනාල් ප්‍රනාන්දු පැවසුවේ, දිනපතා 75%ක් පමණ අවුරුදු 60ට ඉහළ පුද්ගලයන් මියයන අතර එය වළක්වා ගැනීමට නම් එන්නත් ලබාගත් සහ නොගත් පිරිස පිළිබඳ වසංගත රෝග විද්‍යා ඒකකය විගණනයක් කර එන්නත් ලබා නොගත් පිරිස එන්නත්කරණයට කාර්යක්ෂමව කටයුතු කළ යුතු බවය.


නිසි ක්‍රමවේදයකින් තොරව එන්නත් ලබාදීම හේතුවෙන් එන්නත්කරණ කටයුතු අසාර්ථක වී ඇති බව ද වෛද්‍යවරයා පැවසීය.


එන්නත් ලබා ගැනීමට පැමිණෙන්න යැයි කරන දැනුම්දීම් නිසි සැලසුමක් නොමැතිව සිදු කිරීමෙන් ජනතාව විශාල වශයෙන් එන්නත්කරණ මධ්‍යස්ථානවලට ඒකරාශී වී කොරෝනා පොකුරු නිර්මාණය වීමේ අවධානමක් පවතින බව ද ඔහු පැවසීය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි