25.5 C
Sri Lanka
23 October,2021

අලුත්ගම පොලීසිය දරුවෙකුට පහරදුන් බවට චෝදනා

Must read

අලුත්ගම දර්ගා නගරයේදී අලුත්ගම පොලිසියේ නිලධාරින් පිරිසක් 14 හැවිරිදි දරුවෙකුට පහර දී ඇති බව එම තරුණයාගේ ඥාතියෙක් අනිද්දාට පැවසීය.

මැයි 25 වනදින සවස 5ට පමණ පහරදීම කර ඇති බවත් දරුවා මානසික ආබාධයකට ප්‍රතිකාර ලබා ගන්නා බවත් නිවස අසළ කඩයට ගිය අවස්ථාවේ ඒ අසළ තිබූ මාර්ග බාධකයක සිටි පොලිස් නිලධාරීන් පිරිසක් දරුවාට පහර දී ඇති බවත් එම ඥාතියා පැවසීය.

දරුවාට පොලිස් නිලධාරීන් පිරිසක් පහර දෙන බව අසළ සිටි පිරිසක් පැවසූ විට පියා එම ස්ථානයට ගිය බවත් එම ස්ථානයට යද්දී තමන්ගේ පුත්‍රයාගේ අත්දෙක බැඳ දමා පොලිස් නිලධාරීන් පහර දෙන අයුරු පියා දුටු දැක ඇති බවත් ඥාතියා පැවසීය.

ඉන්පසුව ඔවුන් දෙදෙනා පොලිසියට රැගෙන ගොස් ඇති බවත් පහරකෑමට ලක්වූ දරුවා නිරෝධායන නීතිය කඩ කළ නිසා දවස් 14කට රිමාන්ඩ් කළ හැකි බව පොලිස් නිලධාරීන් පවසා ඇති බවත් දරුවාගේ පියා පොලිස් නිලධාරීන්ගෙන් සමාව ගෙන කට උත්තරයක් ලබාදී තම පුතා නිවසට රැගෙන ආ බවත් ඔහු පැවසීය.

තම ඥාති පුත්‍රයාට පොලිස් නිලධාරීන් මෙසේ පහර දීම සම්බන්ධයෙන් තමා මානව හිමිකම් කොමිසමේ පැමිණිල්ලක් කිරීමට බලාපොරොත්තු වන බවද ඔහු පැවසීය. සිද්ධිය පිළිබඳව පොලිස් මූලස්ථානයෙන් කළ විමසීමකදී එහි නිලධාරියෙකු පැවසුවේ මෙවැනි සිදුවීමක් වී ඇති බවත් අත්අඩංගුවට ගැනීමට පොරබැදීමක් කළ අවස්ථාවේදී මෙසේ වීමට ඇති බවත්ය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි