No menu items!
26.1 C
Sri Lanka
28 March,2024

අනිද්දා සාමාජිකයන් ඇගයීමට ලක්වේ

Must read

ජෙගන් ගනේෂන්

කේ. සංජීව සුගන්දිකා කදිර්ගාමර් මහත්මිය ගෙන් සම්මානය ලබාගන්නා අයුරු

තරිදු උඩුවරගෙදර කුමාර් නඩේෂන් මහතාගෙන් සම්මාන ලබාගන්නා අයුරු

කේ.ඩබ්.ජනරංජන මනික්ද සිල්වාගෙන් සම්මානය ලබාගන්නා අයුරු

ලසන්ත රුහුණගේ සිරි රණසිංහ මහතාගෙන් සම්මාන ලබාගන්නා අයුරු

ශ්‍රී ලංකා කර්තෘ සංසදය සහ ශ්‍රී ලංකා පුවත්පත් ආයතනය එක්ව සංවිධානය කරනු ලබන ජනමාධ්‍ය විශිෂ්ඨතා සම්මාන උළෙලේදී අනිද්දා කර්තෘ මණ්ඩල සාමාජිකයන් ඇගයීමට ලක්විය. 2017 වසරේ පුවත්පත් කලාවේ විශිෂ්ඨයන් ඇගයීම සඳහා 19 වන වරටත් පැවති මෙම සම්මාන උළෙල ජුලි 31 වන දින රාත්‍රියේදී ගල්කිස්ස හෝටලයේදී පැවැත්විණි. එහි ප්‍රධාන ආරාධිත අමුත්තා ලෙස සහභාගී වූයේ ලක්ෂ්මන් කදිර්ගාමර් ජාත්‍යන්තර අධ්‍යාපන මධ්‍යස්ථානයේ සභාපතිනී සුගන්ධිකා කදිර්ගාමර් මහත්මියයි.

එහිදී වසරේ හොඳම පුවත්පත් කලාවේදියාට පිරිනැමෙන මර්වින් ද සිල්වා සම්මානය අනිද්දා විශේෂාංග කර්තෘ කේ. සංජීව විසින් දිනාගත්තේය. ශ්‍රී ලංකා කර්තෘ සංසදය විසින් පිරිනමනු ලබන සිය සගයන්ගේත් පොදු මහජනතාවගේත් ඇගයීමට ලක්වන පුවත් කලාවේදියාට පිරිනැමෙන ඞී.ආර් විජයවර්ධන සම්මානය අනිද්දා පුවත් පතේ කතෘ කේ. ඩබ්ලිව්. ජනරංජන දිනාගත්තේය. වසරේ හොඳම තරුණ ජනමාධ්‍යවේදීයාට පිරිනැමෙන ඩෙන්සිල් පීරිස් කුසලතා සහතිකය අනිද්දා කර්තෘ මණ්ඩල සාමාජික තරිඳු උඩුවරගෙදර හිමිකරගත්තේය. ශ්‍රී ලංකා කර්තෘ සංසදය විසින් පිරිනමනු ලබන ශ‍්‍රි ලංකාවේ පුවත්පත් නිදහස ආරක්ෂා කිරීම සඳහා කැපවීම වෙනුවෙන් වූ සේපාල ගුණසේන සම්මානය ශ‍්‍රී ලංකා වෘත්තීය ජනමාධ්‍යවේදීන්ගේ සංගමයට හිමි වූ අතර එය එහි සභාපති අනිද්දා නියෝජ්‍ය කතෘ ලසන්ත රුහුණගේ විසින් ලබාගත්තේ ය.

අනිද්දා විශේෂාංග කර්තෘ කේ. සංජීව විසින් වසරේ හොඳම මාධ්‍යවේදියාට හිමි සම්මානය මෙවර හිමිකරගත්තේ පිට පිටම සිව්වන වරටය. එමෙන්ම අනිද්දා කර්තෘ මණ්ඩල සාමාජික තරිඳු උඩුවරගෙදර වසරේ තරුණ ජනමාධ්‍යවේදියාට හිමි සම්මානය පසුගිය වසරේදී දිනාගනු ලැබීය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි