25.8 C
Sri Lanka
28 September,2021

අත් අඩංගුවට ගත් සිසු-ජන ක්‍රියාකාරීන්ට ඇප නැත්තේ ඇයි? – අධිකරණ සේවා කොමිසමට පැමිණිල්ලක්

Must read

■ අමන්දිකා කුරේ


පසුගිය අගෝස්තු 03 වන දින පාර්ලිමේන්තු වටරවුමේ දී පැවති කොතලාවල පනතට එරෙහි උද්ඝෝෂණයේ දී පොදු දේපල හානි කළේ යැයි චෝදනා ගොනු කරමින් අත් අඩංගුවට ගනු ලැබූ චමීර කොස්වත්ත, වසන්ත මුදලිගේ ඇතුළු පස් දෙනාට ඇප ලබා දීම දිගින් දිගටම ප්‍රතික්ෂේප කිරීම සම්බන්ධයෙන් පරීක්ෂණයක් කරන ලෙස ඉල්ලා එම සිරගතව සිටින පුද්ගලයන්ගේ ඥාතීන් විසින් අද දින (සැප්. 02) අධිකරණ සේවා කොමිසමට පැමිණිල්ලක් ඉදිරිපත් කර ඇත.


කාඩ්බෝඩ් පෙට්ටියක් ගිනි තැබීමට අදාලව පොදු දේපල හානිය ලෙස පොලිසිය විසින් රු. 179000ක මුදලක් ගණනය කර තිබීම, වසංගතය හමුවේ ඇප ලබා දිය හැකි සියළුම පුද්ගලයන්ට ඇප ලබා දෙන ලෙස අධිකරණ සේවා කොමිසම විසින් උපදෙස් ලබා තිබියදී මෙම පස් දෙනාගේ ඇප දිගින් දිගටම ප්‍රතික්ෂේප කිරීම හා කඩුවෙල උසාවියේ නඩුව කැඳවූ අගෝස්තු 11 හා 31 යන දෙදිනම කඩුවෙල මහේස්ත්‍රාත්වරයා නිවාඩු ලබා ගෙන තිබීම නිසා මේ සම්බන්ධයෙන් තුන් වන පාර්ශවයක් මැදිහත්වන්නේදැයි සැකයක් පැවතීම යන කරුණු මෙම පැමිණිල්ල මගින් පැමිණිලිකරුවන් විසින් මතුකර ඇති කරුණු වේ.


මෙම රැඳවියන්ට බන්ධනාගාරය තුල දී කොවිඩ් ආසාදනය වී ඇති බවත්, ඔවුන්ව නිදහස් කිරීමට තරම් අවශ්‍ය හේතුද පවතිද්දී ඔවුන් නිදහස් නොකරන්නේ මන්දැයි අගවිනිසුරුවරයාගේ මූලිකත්වයෙන් පරීක්ෂණයක් පවත්වන ලෙස ඉල්ලමින් ඔවුහු මෙම පැමිණිල්ල යොමු කර ඇත.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි