නායකත්ව අර්බුදයට විසඳුමක් නොදීම, සන්ධානය පිහිටුවීමට අදාළ සාකච්ඡුාවලට සහ ඊට අදාළ යෝජනාවලට විසඳුම් නොදී දිගින් දිගටම කල් මැරීම, සජිත් පාර්ශ්වයේ පිරිසක් කෘත්‍යාධිකාරී මණ්ඩලයෙන් ඉවත්කිරීම ආදි හේතු නිසා එජාපය තුළ සජිත් පේ‍්‍රමදාස මහතාගේ කණ්ඩායම වෙනම කණ්ඩායමක් ලෙස කටයුතු කිරීමට තීරණය කර ඇත.
මේ අනුව ජනවාරි 30දා කෘත්‍යාධිකාරී මණ්ඩල රැුස්වීම වර්ජනය කරන්නට සජිත් පාර්ශ්වය තීරණය කර තිබුණු අතර කෘත්‍යාධිකාරී මණ්ඩලයට පත්වී සිටින එජාප පාර්ලිමේන්තු මන්ත‍්‍රීවරුන් 35 දෙනෙකු පමණ මෙම හමුවට සහභාගි නොවනු ඇති බව දැනගන්නට ලැබේ.
මෙම කෘත්‍යාධිකාරී මණ්ඩල සාකච්ඡුාවට පෙර එජාප අර්බුදය විසඳීමේ තවත් සාකච්ඡුාවක් ජනවාරි 29 වැනිදා එජාප නායක රනිල් වික‍්‍රමසිංහ, නියෝජ්‍ය නායක සජිත් පේ‍්‍රමදාස සහ පාර්ලිමේන්තු මන්ත‍්‍රී කබීර් හෂීම්ගේ සහභාගිත්වයෙන් රනිල් වික‍්‍රමසිංහ මහතාගේ නිවසේදී පැවැත්වී ඇත. එහිදී සජිත් පේ‍්‍රමදාස මහතා ප‍්‍රකාශ කර ඇත්තේ එජාපයේ නායකත්වය තමන් වෙත ලබාදෙන්නට සූදානම් නැතිනම් තමන් වෙත සන්ධානයේ නායකත්වය, අගමැති අපේක්ෂකත්වය හා තම පාර්ශ්වයට සන්ධානයේ මහලේකම් තනතුර ලබාදිය යුතු බවය. ඊට අමතරව මහමැතිවරණයේදී නාම යෝජනා ලබාදීමේ බලය සන්ධානය වෙත පැවරිය යුතු යැයිද ඔහු ප‍්‍රකාශ කර ඇත. එම සියලූ යෝජනා කෘත්‍යාධිකාරී මණ්ඩලයෙන් සම්මත කර තමන්ට මැතිවරණය මෙහෙයවීමේ පූර්ණ බලය ලබා දියයුතු යැයිද වැඩිදුරටත් ප‍්‍රකාශ කර ඇත. එම යෝජනා සඳහා රනිල් වික‍්‍රමසිංහ මහතාගෙන් ප‍්‍රතිචාරයක් ලැබී නැති අතර ඔහු ප‍්‍රකාශ කර ඇත්තේ පසුදා එනම් ජනවාරි 30වැනි දින කෘත්‍යාධිකාරී මණ්ඩලයේදී මේ පිළිබඳව තවදුරටත් සාකච්ඡුා කළ හැකි බවය.
ජනවාරි 30වෙනිදා වනවිට කෘත්‍යාධිකාරී මණ්ඩලය නියෝජනය කළ සජිත් පාර්ශ්වයේ පාර්ලිමේන්තු මන්ත‍්‍රී අජිත් පී පෙරේරා, පාර්ලිමේන්තු මන්ත‍්‍රී සරත් ෆොන්සේකා, හිටපු මන්ත‍්‍රී ඉමිතියාස් බාකිර් මාකර්, කොළඹ නගරාධිපතිනි රෝසි සේනානායක කෘත්‍යාධිකාරී මණ්ඩලයෙන් ඉවත් කළ බව වාර්තා වී ඇත. එයට විරෝධය පළකරමින් සජිත් පාර්ශ්වය පක්ෂයේ නායකත්වයට ප‍්‍රකාශ කර ඇත්තේ මෙම පිරිස කෘත්‍යාධිකාරී මණ්ඩල රැස්වීමට කැඳවිය යුතු බවය. එයට රනිල් වික‍්‍රමසිංහ මහතා එකඟවී නැති බව වාර්තා වේ.
පෙබරවාරි 5 වනවිට සජිත් පේ‍්‍රමදාස මහතාගේ නායකත්වයෙන් අලූත් නමකින් සහ අලූත් ලකුණකින් නව දේශපාලන සන්ධානයක් පිහිටුවන බව වාර්තා වේ. මෙම ජනවාරි 30 දා කෘත්‍යාධිකාරී මණ්ඩල හමුවේදී පක්ෂ නායකත්වය පිළිබඳව සහ ගොඩනගන්නට යෝජිත නව සන්ධානය පිළිබඳව සාකච්ඡුා කරන්නට බලාපොරොත්තු වන්නේ දැයි එජාප මහ ලේකම් අකිල විරාජ් කාරියවසම්ගෙන් විමසීමේදී ඔහු ප‍්‍රකාශ කළේ එවැනි සාකච්ඡුාවක් හෝ තීන්දුවක් ගැනීම සඳහා සූදානමක් නැති බවය. අජිත් පී පෙරේරා සහ අනෙකුත් පිරිස කෘත්‍යාධිකාරී මණ්ඩලයෙන් ඉවත් කර ඇති බවට වන තොරතුර එහිදී මහ ලේකම්වරයා සනාථ කළේය.
