No menu items!
21.8 C
Sri Lanka
28 March,2024

ෂෙහාන් මාලක 8 වන දිනටත් සීඅයිඩී ප්‍රශ්න කිරීවලට

Must read

කතෝලික සභාවට සම්බන්ධ සමාජ ක්‍රියාකාරිකයකු වන ෂෙහාන් මාලක ගමගේගෙන් 8 වන දිනටත් ප්‍රකාශ සටහන් කරගැනීම සඳහා සැප්තැම්බර් 02 දින අපරාධ පරීක්ෂණ දෙපාර්තමේන්තුවට හෙවත් සීඅයිඩීයට කැඳවා ඇත.


මාධ්‍ය සාකච්ඡාවකදී පාස්කු ඉරුදින ප්‍රහාරය සම්බන්ධයෙන් ආන්දෝලනාත්මක ප්‍රකාශයක් කිරීම හේතුවෙන් ඔහුව මෙසේ සීඅයිඩීයට කැඳවා ප්‍රකාශ සටහන් කර ගැනීම සිදුවන අතර ඒ සඳහා ඔහුව මුලින්ම කැඳවනු ලැබුයේ අගෝස්තු 23 දිනය.


ෂෙහාන් මාලක ගමගේ එම ආන්දෝලනාත්මක කරුණු ප්‍රකාශ කරනු ලැබුයේ පාස්කු ඉරුදින ප්‍රහාරයේ යුක්තිය ඉටුකර ගැනීම වෙනුවෙන් අගෝස්තු 21 දින ප්‍රකාශයට පත්කර තිබූ කළු කොඩි ඔසවා විරෝධය පලකිරීමේ ක්‍රියාමාර්ගය පිළිබඳව කරුණු පැහැදිලි කිරීම සඳහා ඊට පෙර කොළඹ මරදාන සමාජ හා සාමයික කේන්ද්‍රයේදී කතෝලික පියතුමන්ලා සමඟ පැවැත් වූ මාධ්‍ය සාකච්ඡාවකදීය.


සීඅයිඩීයේ ප්‍රශ්න කිරීම්වලට ලක්කිරීමෙන් පසු එම ප්‍රශ්න කිරීම්වලට අදාල කරුණු පැහැදිලි කිරීමක් ෂෙහාන් මාලක ගමගේ සමාජ මාධ්‍ය මගින් ප්‍රකාශයට පත්කරන අතර එවැන්නකදී ඔහු ප්‍රශ්න කර තිබුණේ පාස්කු ඉරුදින ප්‍රහාරය පිටුපස දේශපාලන කුමන්ත්‍රණයක් තිබූ බවට හිටපු නීතිපතිවරයා ප්‍රකාශ කර ඇතත් තමාගෙන් මෙතරම් දින ගණනක් ප්‍රශ්න කරන සීඅයිඩීය ඔහුගෙන් එක් දිනක් හෝ ප්‍රශ්න කර ඒ සම්බන්ධයෙන් ප්‍රකාශ සටහන් කරගෙන නැති බවය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි