No menu items!
29.7 C
Sri Lanka
29 March,2024

ශ‍්‍රීලනිප පොහොට්ටු එකඟතා දන්නේ නැහැ

Must read


පාර්ලිමේන්තු මන්ත‍්‍රී ප‍්‍රසන්න රණතුංග


පොදුජන පෙරමුණ සමඟ ශ‍්‍රීලනිපය එක්වීම ගැන ඔබ දකින්නේ කොහොමද?
මේ වෙලාවේ රට ගැන හිතලා ඔවුන් අපත් සමඟ එක්වීම ගැන සතුටුයි. ශ‍්‍රී ලංකා නිදහස් පක්ෂයේ සාමාජිකයන් හා ග‍්‍රාමීය නායකයන් කොහොමත් අපි එක්ක එකතුවෙලයි හිටියේ. පහුගිය පළාත් පාලන මැතිවරණයේදී ඔවුන් අප සමඟ කටයුතු කළා. ගෝඨාභය රාජපක්ෂ මහතා ජනාධිපතිවරණයට ඉදිරිපත් වෙන බව කීවාට පස්සේ තවත් අය අපිත් එක්ක එකතුවෙලා හිටියා. ඒ අයගේ බලපෑම මත තමයි ශ‍්‍රීලනිප නායකත්වයත් ගෝඨාභය රාජපක්ෂ මහතාට සහයෝගය දෙන තැනට පත්වුණේ. ශ‍්‍රී ලංකා නිදහස් පක්ෂයට කලින් පාක්ෂිකයන් තීන්දුව ගත්තා. ඒ නිසා නායකයන්ටත් තීන්දුවක් ගන්න වුණා. මේ තීන්දුව ගත්තේ නැත්නම් ශ‍්‍රී ලංකා නිදහස් පක්ෂය අවසාන වෙන්න ඉඩ තිබුණා.


එහෙත් ශ‍්‍රීලනිපය තියෙන විදියට කොන්දේසි මත තමයි එකතුවෙන්නේ..
වාමාංශික කඳවුරට එක්වීමෙන් ශ‍්‍රී ලංකා නිදහස් පක්ෂයට ලොකු ශක්තියක් ලැබුණා. සහෝදර පක්ෂයකට එසේ වීම ගැන සන්තෝෂයි. කෙසේවෙතත් මේ මැතිවරණයෙන් පස්සේ කරන දේවල් ගැන තීන්දු ගත යුත්තේ දැන් නොවෙයි. ඉදිරියේදීයි. ඉදිරි මැතිවරණවලදී පක්ෂ දෙක එකට තරග කරනවාද, වෙනම තරග කරනවාද කියා අපි සාකච්ඡුා කළ යුත්තේ පසුවයි. එහෙම වුණොත් තමයි අපේ පක්ෂවලට වඩා යහපත් අනාගතයක් හදාගන්න පුළුවන් වෙන්නේ.


ශ‍්‍රීලනිපය එක්වීමේදී පොදුජන පෙරමුණ ඇති කරගත් එකඟතා මොනවාද?
ශ‍්‍රීලනිප පොහොට්ටු එකඟතා අපි දන්නේ නැහැ. ඒ සාකච්ඡුා අවශ්‍ය ආකාරයට සිද්ධවුණා. ඉදිරියේදී අපේ පක්ෂ දෙක අතර ගිවිසුමක් අත්සන් කරයි. ගිවිසුමෙන් පස්සේ තමයි අපට ඒ එකඟතා බලලා, ඒ ගැන කතාකරන්න වෙන්නේ. මගේ අදහස තමයි කොන්දේසි විරහිතව එකතු වීම වඩා යහපත් බව. මේ වෙලාවේ බලන්න ඕනෑ වාමාංශික, ප‍්‍රගතිශීලී ජනාධිපතිවරයෙක්ව පත් කරගැනීම ගැන විතරයි. එකම කොන්දේසිය විය යුත්තේ එයයි.


එහෙත් කොන්දේසි ඇතැයි විශ්වාස කරන්නට හේතු තියෙනවා නේද?
ශ‍්‍රී ලංකා නිදහස් පක්ෂයත් එක්ක අපේ පක්ෂයේ ජාතික සංවිධායක බැසිල් රාජපක්ෂ මහතා, පක්ෂ නායක මහින්ද රාජපක්ෂ මහතා සහ ජනාධිපතිවරණ අපේක්ෂක ගෝඨාභය රාජපක්ෂ මහතා සාකච්ඡුා කළා. ශ‍්‍රීලනිපයේ නායකයෝ ඒ සඳහා සාකච්ඡුාවලට සහභාගි වුණා. ඒ අය සාකච්ඡුාවලදී යහපත් එකඟතා ඇති කරගන්න ඇති. කොහොමත් අපේ පක්ෂවල ප‍්‍රතිපත්තිවල ලොකු වෙනසක් නැහැ. ඒ නිසා අපට එකතු වීම අභියෝගයක් නොවෙන්න ඇති. ශ‍්‍රීලනිපයට කොහෙත්ම නොගැළපෙන ප‍්‍රතිපත්ති තියෙන යූඇන්පීයත් එක්ක කොන්දේසි විරහිතව එකතුවෙන්න පුළුවන් නම්, පොදුජන පෙරමුණත් එක්ක එකතුවීම අමාරු දෙයක් නොවෙයි.


ශ‍්‍රීලනිපය එකතු වීම නිසාම ගෝඨාභය රාජපක්ෂ මහතාට ජයග‍්‍රහණය ගැන බලාපොරොත්තු තැබිය හැකි බව හිතනවාද?
එහෙම දෙයක් නෑ. එහෙත් වාසියක් සිද්ධවුණා. පළාත් පාලන මැතිවරණයේදී අපේ පක්ෂයට ඡුන්ද ලක්ෂ 50ක් විතර තිබුණා. එහෙත් පාස්කු ඉරිදා ත‍්‍රස්ත ප‍්‍රහාරයෙන් පස්සේ තවත් ඡුන්ද විශාල ප‍්‍රමාණයක් ගෝඨාභය රාජපක්ෂ මහතා වටේට එකතුවුණා. ශ‍්‍රීලනිපයට තිබුණේ ඡුන්ද ලක්ෂ 14ක් පමණ. ඒ අනුව එතැනම ඡුන්ද ලක්ෂ හැටකට වඩා තියෙනවා. ඒ අනුව මැතිවරණය ජයගැනීම අමාරු දෙයක් නෙවෙයි. දැනටමත් සජිත් පේ‍්‍රමදාස මහතාව අපේක්ෂකයා විදියට නම් කළාට පස්සේ කළකිරීමෙන් එක්සත් ජාතික පක්ෂය පැත්තෙන් තවත් අය අපට එකතුවේවි. රනිල්ගෙන් එජාපය ගැලවෙන තුරු කාලයක් ඉවසාගෙන ඉඳපු පිරිසක් ඉන්නවා. රනිල් වික‍්‍රමසිංහ මහතාව නැවත අගමැති කිරීම ගැන ඔවුන් විරුද්ධයි. ඒ නිසා ඔවුනුත් එකතු වේවි.


පොදුජන පෙරමුණට දෙමළ හා මුස්ලිම් ඡුන්ද නැතිවීම අවාසියක් නොවෙයිද?
මේ රටේ අන්තවාදී මත දරන මුස්ලිම්, දෙමළ දේශපාලන නායකයන්ට කොහොමත් අපි එක්ක එකතුවෙන්න බැහැ. ත‍්‍රස්තවාදී චෝදනා ලැබූ අයත් එක්ක ගනුදෙනු කරපු ඇතැම් මුස්ලිම් නායකයන්ට එජාපය එක්ක හැර වෙන කිසිම පිරිසක් එක්ක සන්ධානගත වෙන්න බැහැ. අනෙක් පැත්තෙන් ඉන්නේ ෆෙඩරල් ක‍්‍රමය බලාපොරොත්තුවෙන් ඉන්න දෙමළ දේශපාලන නායකයෝ. ඒ අයටත් එජාපය එක්ක එකතුවීම හැර විකල්පයක් නැහැ. එහෙත් ඒ දෙපැත්තේම නායකයන් දැන් මධ්‍යස්ථ ජනතාව ප‍්‍රතික්ෂේප කරලා තියෙනවා. ගම් මට්ටමෙන් සාමාන්‍ය මුස්ලිම් හා දෙමළ ජනතාව අපිත් එක්ක එකතුවේවි. මුස්ලිම් අයගේ ව්‍යාපාර දැන් කඩාවැටිලා. ඔවුන් ඒ ගැන කලකිරීමෙන් ඉන්නේ. දෙමළ ජාතික සන්ධානයෙන් සිද්ධවුණ අසාධාරණකම් නිසා නැගෙනහිර පළාතේ මුස්ලිම් ජනතාව ඉන්නේ කලකිරීමෙන්. එවැනි මුස්ලිම් ජනතාවගේ ඡුන්ද හිස්බුල්ලා වගේ විකල්ප නායකයන්ටත් ලැබේවි.


අපි උතුරේ දේශපාලන කටයුතුවලට ගියා. ඔවුන් යුද්ධෙන් බැට කාපු උදවිය. ඔවුන්ට දැන් ප‍්‍රශ්න ගණනාවක් තියෙනවා. ඔවුන්ගේ ප‍්‍රශ්නවලට පසුබිම හැදුණේ යුද්ධය නිසා. ඒ අයගේ ජාතිවාදී හැඟීම් අවුස්සමින් ඇතැම් නායකයන් දේශපාලනය කළා. දැන් ඒ අන්තවාදී නායකයන් සහ ඔවුන් එක්ක කටයුතු කළ ආණ්ඩුව එක්ක කලකිරීමක් දෙමළ ජනතාවට තියෙනවා. ඔවුන්ට දැන් විකල්පයක් ඕනෑ. විකල්ප විදියට ශිවාජිලිංගම් වගේ නායකයන් ඉදිරිපත් වෙන බව පේනවා. දැන් පවතින තත්වයේ හැටියට දෙමළ හා මුස්ලිම් සාමාන්‍ය ජනතාව ගෝඨාභය රාජපක්ෂ මහතාට උදව් කරයි.


පොදුජන පෙරමුණ දෙමළ හා මුස්ලිම් ජනතාව ගැන කතාකරද්දී නිතර මතු කරන කාරණයක් තමයි ඒ ජනවර්ග ඉල්ලන්නේ බලය බෙදීම වැනි දේවල් නොවන බව. සංවර්ධනය, ආර්ථික අවස්ථා වගේ දේවල් ඔවුන් ඉල්ලන බවත්, ඔවුන්ට වාර්ගික ප‍්‍රශ්න නැති බවත් කියනවා. සිංහල ජනතාවගේ වාර්ගික හා සංස්කෘතික අනන්‍යතා දේශපාලන උත්කර්ෂයට නංවලා දෙමළ ජනතාවගේ අනන්‍යතා දේශපාලනය හෑල්ලූ කිරීම සුදුසු බව හිතනවාද?
අපි එහෙම කරන්නේ නැහැ. අපේ තේමාව තමයි එක රටක්, එක නීතියක් කියන එක. බොහෝ ප‍්‍රශ්නවලට විසඳුම තමයි අපි හැමෝම සමගියෙන් සහෝදරත්වයෙන් ජීවත්වීම. සංහිඳියාව කියන්නේ ඒක. අපි දියුණු ආර්ථිකයක් බිහිකරගන්න ඕනෑ.


ගෝඨාභය රාජපක්ෂව නිතර ලී ක්වාන් යූ වැනි නායකයන්ට සමාන කරනවා. ලී ක්වාන් යූ මහතා සිංගප්පූරුවේ බහුතර හා සුළුතර ජනවර්ගවල ජනවාර්ගික අනන්‍යතා හා සංස්කෘතික අනන්‍යතා අඩපණ කරලා ඒ ජනවර්ග සියල්ලම මිශ‍්‍ර කරලා සිංගප්පූරු ජනවර්ගයක් හැදුවා. ගෝඨාභය රාජපක්ෂට ලංකාවේ සිංහල අනන්‍යතා දේශපාලනය අඩපණ කරන්න පුළුවන් වේවිද?
මීට අවුරුදු ගාණකට කලින් තමයි ලී ක්වාන් යූ මහතාගේ වැඩපිළිවෙළ ක‍්‍රියාත්මක කළේ. ඒ වකවානුවේ පැවති තත්වයන්ට ඔහුගේ ඒ වැඩපිළිවෙළ ගැළපුණා. ඒ නිසා එදා කරන දේ අද කරනවාද කියන එක ප‍්‍රශ්නයක්. වර්තමාන කාලයට ගැළපෙන පරිදි අලූත් වැඩපිළිවෙළක් ක‍්‍රියාත්මක කිරීමයි වැදගත් වෙන්නේ. ඒ නායකයන්ගෙන් හොඳ දේවල් අරගෙන රටට ගැළපෙන විදියට වැඩක් කරන්න ඕනෑ.


ගෝඨාභය රාජපක්ෂ මහතා තවමත් ප‍්‍රතිපත්ති ඉදිරිපත් කරලා නැහැ නේද?
පහුගිය දවස්වල අප සමඟ ඉන්න පක්ෂවල සම්මේලන පැවැත්වුවා. ඒවායේදී ඔහු විවිධ ක්ෂේත‍්‍ර පිළිබඳ තමන්ගේ ප‍්‍රතිපත්ති ඉදිරිපත් කළා. වැඩි පිරිසක් ඔහුගෙන් ඉල්ලන්නේ ආරක්ෂාව. පසුගිය කාලය තුළ රටේ ජාතික ආරක්ෂාව විනාශ කරලා තියෙනවා. පාස්කු ඉරිදා ත‍්‍රස්ත ප‍්‍රහාරය කලින් දැනගෙන ඉඳලාත් වළක්වාගන්න බැරිවීම ප‍්‍රධානම උදාහරණයක්. ඒ ගැන දැන දැනම ඒ ප‍්‍රහාරය වෙන්න ඉඩ ඇරලා බලාගෙන හිටියා. අනෙක් පැත්තෙන් පොලීසිය හා හමුදාව දුර්වල කළා. මීට කලින් අත්අඩංගුවට ගත්ත අන්තවාදීන්ව මුස්ලිම් දේශපාලන නායකයන්ගේ බලපෑම මත නිදහස් කළා. ඒකෙන් සිද්ධවුණේ අහිංසක මිනිස්සු තුන්සීයකට වඩා ඝාතනය වීමයි. ආණ්ඩුව අන්තවාදීන්ගේ පදයට නැටුවා. ඒකේ ප‍්‍රතිඵල විදියට ජාතික ආරක්ෂාව දුර්වල වුණා. ඒ නිසා ජාතික ආරක්ෂාව ඇති කිරීම වැදගත් කටයුත්තක්.


තවත් කාරණයක් තමයි ස්ථාවර ආණ්ඩුවක් ඇතිකරගැනීම. දැන් ඉන්න ජනාධිපතිවරයා සහ අගමැතිවරයා අතර විශ්වාසයක් නැහැ. කිසිම දෙයක් ගැන එකඟතාවයක් නැහැ. අන්තිමේදී වගකීමක් බාරගන්නවත් කෙනෙක් නැහැ. පහුගිය සතියකදී විධායක ජනාධිපති ක‍්‍රමය අහෝසි කිරීමේ විසිවැනි සංශෝධන යෝජනාව කැබිනට් මණ්ඩලයට දැම්මා. ඉන්පස්සේ මොකද වුණේ. ඒ ගැන එල්ලවුණ විරෝධය මත අගමැතිවරයා කීවා ඒක ජනාධිපතිවරයා දාපු එකක් කියලා. ජනාධිපතිවරයා අනෙක් පැත්තට කිව්වා මේ මනුස්සයා රෙද්දක් ඇඳගෙනද කතාකරන්නේ, ඒක දැම්මේ අගමැති කියලා. අන්තිමේ බැලූවාම කැබිනට් මණ්ඩලයට ආපු යෝජනාවක් ගැන වගකියන කෙනෙක් නැහැ. එහෙම තත්වයක් අපේ පාලනයක් යටතේ ඇතිවෙන්න බැහැ.


අධිකරණය ඇතුළු ආයතනත්, රාජ්‍ය පාලනයත් විනයක් ඇතිව වැඩ කරන්න ඕනෑ. ඉලක්කයක් නැතිව වැඩ කරන්න බැහැ. මේ ආණ්ඩුව ¥ෂණ මර්දනයට බව කියමින් ගෙනාපු වැඩපිළිවෙළ දිහා බලන්න. නීතිපති දෙපාර්තමේන්තුවේ නිලධාරීන්ගේ මුඛයෙන්ම ඒකේ ඇත්ත තත්වය පේනවා. නීතිපති දෙපාර්තමේන්තුව සම්පූර්ණයෙන්ම දේශපාලනීකරණය වෙලයි තියෙන්නේ. දැන් අධිකරණය ගැන මහජනතාවගේ විශ්වාසය නැති කරන අන්දමේ වැඩ කොච්චර සිද්ධවෙනවාද. පොලිස්පතිවරයා නීතිය නවන හැටි ගැන කතාකළා. ප‍්‍රසිද්ධියේ සර්ලාගේ නියෝග ඉටු කළා. සම්පූර්ණ රාජ්‍ය පාලනයම විනයක් නැති තැනට වැටුණා. ඒ ගැන මිනිස්සු කලකිරීමෙන් ඉන්නේ. අපි රටේ විනයක් ඇති කරනවා. අනෙක් කාරණය තමයි පුද්ගල ආරක්ෂාව. මිනිස්සු ජාතික ආරක්ෂාව වගේම පුද්ගල ආරක්ෂාවත් ඉල්ලනවා. දැන් පාතාලය නිසා මිනිස්සු පීඩා විඳිනවා. රත්තරන් මාලයක් බැඳගෙන පාරේ යන්න බැරි තරම් මංකොල්ලකාරයෝ. අපචාර, ¥ෂණ වැඩිවෙලා. ඒ නිසා පුද්ගල ආරක්ෂාව තහවුරු කරන්න ඕනෑ.


සෞඛ්‍ය සේවය, අධ්‍යාපනය, රැුකියා සුරක්ෂිතභාවය ගැන සැලකිලිමත් වෙන්න ඕනෑ. දැන් වෛද්‍යවරුම කියන්නේ ආණ්ඩුවෙන් ගෙන්වන බෙහෙත්වලින් ලෙඩ වැඩිවෙනවා කියලයි. සෞඛ්‍යය දැන් බිඳවැටිලා. අධ්‍යාපනය බිඳවැටිලා. මහා පරිමාණයේ හොරකම් සිද්ධවෙනවා. ව්‍යාපාර කඩා වැටිලා. හැම ක්ෂේත‍්‍රයක්ම කඩා වැටිලා. ඒ නිසා ගෝඨාභය රාජපක්ෂ මහතාගේ ප‍්‍රතිපත්ති එක මාතෘකාවකට සීමා නොවේවි. ඔහු ඉතාම දියුණු හා සංකීර්ණ ප‍්‍රතිපත්ති මාලාවක් ඉදිරියේදී ඉදිරිපත් කරයි.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි