No menu items!
22.3 C
Sri Lanka
29 March,2024

පාස්කු ප‍්‍රහාරයට වගකීමක් ඇති නිලධාරීන් දෙදෙනෙකුට උසස්වීම්

Must read

පාස්කු ප‍්‍රහාරයේ වගකීම් පැහැර හැරීම සම්බන්ධයෙන් අපරාධ පරීක්ෂණ දෙපාර්තමේන්තුවෙන් විමර්ශනයක් ආරම්භ කර තිබූ නියෝජ්‍ය පොලිස්පතිවරුන් වන දේශබන්දු තෙන්නකෝන් සහ ලලිත් පතිනායකට වැඩබලන ජ්‍යෙෂ්ඨ නියෝජ්‍ය පොලිස්පතිවරුන් ලෙස උසස්වීමක් ලබා දී ඇති බව වාර්තා වේ.

පාස්කු ප‍්‍රහාරය සම්බන්ධයෙන් විමර්ශන කළ  අපරාධ පරීක්ෂණ දෙපාර්තමේන්තුව තම වගකීම් පැහැර හැරියේයැයි හිටපු පොලිස්පති පූජිත් ජයසුන්දර සහ ආරක්ෂක අමාත්‍යංශයේ හිටපු ලේකම් හේමසිරි ප‍්‍රනාන්දු යන මහත්වරුන් අත්අඩංගුවට ගත් අතර විමර්ශනවලදී  අනාවරණය වී තිබුණේ පාස්කු ප‍්‍රහාරය සම්බන්ධයෙන් ලැබුණු මූලික බුද්ධි තොරතුරු පොලිස්පතිවරයා නියෝජ්‍ය පොලිස්පතිවරුන් පිරිසකට ද යොමු කර ඇති බවය.

එබැවින් ජාතික පොලිස් කොමිෂන් සභාව අදාල නියෝජ්‍ය පොලිස්පතිවරුන් සේවය කරමින් සිටි ස්ථානයෙන් ඉවත් කර වෙනත් ස්ථානවලට  අනුයුක්ත කර තිබුණි. ස්ථාන මාරු ලබා දුන් නියෝජ්‍ය පොලිස්පතිවරුන් අතර බස්නාහිර උතුර භාරව සිටි නියෝජ්‍ය පොලිස්පති දේශබන්දු තෙන්නකෝන් සහ කොළඹ භාරව සිටි නියෝජ්‍ය පොලිස්පති ලලිත් පතිනායක යන මහත්වරුන්ටද ස්ථාන මාරු ලබා දී තිබුණි. පොලිස් විශේෂ විමර්ශන ඒකකයෙන් ඔවුන් සම්බන්ධයෙන්  වෙනම විමර්ශනයක් ද ආරම්භ කර තිබුණි.

පාස්කු ප‍්‍රහාරයෙන් අනතුරුව අදාල නිලධාරීන් දෙදෙනා සම්බන්ධයෙන්ද  අපරාධ පරීක්ෂණ දෙපාර්තමේන්තු විමර්ශනයක් ආරම්භ කර තිබියදී මෙම උසස් වීම් ලැබී ඇති බව වාර්තා වේ.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි