No menu items!
20.9 C
Sri Lanka
29 March,2024

පසුගිය සතිය

Must read

ජනාධිපති වැලිකඩ යෑම

ජනාධිපති ගෝඨාභය රාජපක්ෂ පෙබරවාරි 10 දින කොළඹ බොරැුල්ලේ පිහිටි බන්ධානාගාර පරිශ‍්‍රයේ නිරීක්ෂණ චාරිකාවක නිරත විය.

එහිදී ජනාධිපතිවරයා බන්ධනාගාර තුළ පවතින භෞතික අඩුපාඩුකම් නිරීක්ෂණය කරමින් උපදෙස් දෙන අයුරුද, රැුඳවියන් සමග කතාබස් කරමින් ඔවුන්ට ඇති ගැටලූ පිළිබඳව විමසමින් උපදෙස් දෙන අයුරුද මාධ්‍ය වාර්තා කළේය. සමහර රැුඳවියන්ගෙන් බන්ධනාගාරගතවී සිටින්නේ ඇයිදැයි ජනාධිපතිවරයා විමසන අයුරුද දැකගත හැකිවිය.

එහිදී සුළු වැරදි සම්බන්ධයෙන් දඩ මුදල් නොගෙවීම හෝ වෙනත් හේතු නිසා බන්ධනාගාරගතවී සිටින රැුඳවියන් නිදහස් කරන ලෙස ජනාධිපතිවරයා උපදෙස් දෙන අයුරුද දැකගත හැකිවිය.

මේ කථාබහේදී සමහර රැුඳවියන් ජනාධිපතිවරයාට කීවේ ඉතා අපිරිසිදු පරිසරයක රඳවා ඇති බැවින් ඔවුන් නිරතන්තර රෝගවලට ගොදුරු වන බවයි.

එය ඇත්තකි. ලංකාවේ බන්ධනාගාර යනු මිනිස් වාසයට කිසිසේත්ම සුදුසු නොවන ආකාරයකට ගොඩනැඟී ඇති හා පවත්වාගෙන යන ස්ථානය.

එය නිවැරදි වීම අනිවාර්යයෙන් සිදුවිය යුතුය. ඒ සඳහා උපදෙස් බන්ධනාගාර විෂයභාර අමාත්‍යවරයාට ජනාධිපතිවරයා ලබා දුනහොත් හොඳය.

එහෙත් නිදහස් කළ හැකි හේතු ඇති රැුඳෙවියන් ජනාධිපතිවරයාගේ කට වචනයට නිදහස් කළ නොහැකිය. එක්කෝ එම නිදහස් කිරීම ජනාධිපතිවරයාගේ සමාව දීමේ බලය මත කළ යුතුය. නැත්නම් අධිකරණය මගින් කළ යුතුය.

එසේ නැත්නම් මේ ප‍්‍රායෝගික තත්වයන් ක‍්‍රියාත්මක නොවන නිරීක්ෂණ චාරිකා පලක් නැත.

විමල්ට එරෙහි රිෂාඞ් අභියෝගය

තමාට අපහාස කිරීම සම්බන්ධයෙන් අමාත්‍ය විමල් වීරවංශගෙන් රුපියල් කෝටි 100ක් වන්දි ඉල්ලා නඩු පවරන බව හිටපු අමාත්‍ය රිෂාඞ් බදියුදීන් ප‍්‍රකාශ කර ඇත.

ඒ අමාත්‍ය විමල් වීරවංශ මාධ්‍ය හමුවක් පවත්වමින් හිටපු අමාත්‍ය රිෂාඞ් බදියුදීන්ගේ ඇමෙරිකාවේ ඇති ගිණුමකට ඩොලර් ලක්ෂයක් බැරවී ඇති බවටත් ඒ ගැන පරීක්ෂණයක් කළ යුතු බවටත් හා කී තවත් කතාවලටත් එරෙහිවය.

අපරාධ පරීක්ෂණ දෙපාර්තමේන්තුව කොළඹ නාරාහේන්පිට නිවසක් පරීක්ෂා කිරීමේදී සැක කටයුතු ලිපිගොනු රාශියක් හා ඉඩම් ඔප්පු පිටපත් රාශියක් හමුව තිබූ බවත් ඒවා රිෂාඞ් බදියුදීන් මහතාගේ ගනුදෙනුවලට අදාළ ලිපිගොනු බවත්, ඔප්පු පිටපත් විල්පත්තු ජනයාගෙන් ලබාගත් ඉඩම්වල ඔප්පු පිටපත් බවත් වීරවංශ අමාත්‍යවරයා චෝදනා කර තිබුණි.

මාධ්‍ය සුපුරුදු පරිදි එම බරපතළ චෝදනා කිසිදු සාක්ෂියක්  නොමැතිව විකාශය කළේය. අඩුම තරමේ එම බරපතළ චෝදනා විකාශය කරන අවස්ථාවේ රිෂාඞ් බදියුදීන් මන්ත‍්‍රීවරයාගෙන් ඒ ගැන විමසුවේවත් නැත. රිෂාඞ් බදියුදීන් මන්ත‍්‍රීවරයා ඔහුම ඉදිරිපත් වී එම චෝදනා සම්බන්ධයෙන් නඩු පවරන බව කීවේ ඉන්පසුවය.

රිෂාඞ් බදියුදීන් වැනි සුළු ජාතික පක්ෂවල දේශපාලනඥයන්ට එරෙහිව විමල් වීරවංශ පන්නයේ ජාතිකවාදී දේශපාලනඥයන් කියන  ඕනෑම චෝදනාවක් අපේ මාධ්‍ය ඇත්ත නැත්ත පිළිබඳ කිසිදු සොයාබැලීමකින් තොරව විකාශය කරයි. එහෙත් මේ මාධ්‍ය වැඳුම් පිදුම් කරන සිංහල දේශපාලන නායකත්වයන් සම්බන්ධයෙන් වෙන කවුරුන් හෝ කරන චෝදනා එක්කෝ විකාශය නොකරයි. නැත්නම් විකාශයේදී බීප් බීප් හඬවල් බවට පත්කරනු ලබයි.

මෙහිදී නීතිමය ක‍්‍රියාමාර්ග ගන්නවා නම් රිෂාඞ් බදියුදීන් මන්ත‍්‍රීවරයා විමල් වීරංවශට පමණක් නොව ඒවා විකාශය කළ මාධ්‍යයට එරෙහිවත් කටයුතු කළ යුතුය.

මන්නාරමේ අස්ථි අනාරක්ෂිත වීම

මන්නාරම සමූහ මිනීවලෙන් හමුවූ අස්ථි කොටස් තැන්පත් කර තිබූ කාමරයේ දොරගුළු කැඞීම හා එහි ජනේලයක් විවෘත වී තිබීම ගැන පෙබරවාරි 11 වැනිදා ඒ පිළිබඳ මන්නාරම මහේස්ත‍්‍රාත් අධිකරණයේ පැවති නඩු විභාගයේදී අනාවරණය වී ඇත.

ඒ පිළිබඳව මන්නාරම මහේස්ත‍්‍රාත්වරයාගේ අවධානය යොමුකර ඇත්තේ එම නඩුවට අතුරුදහන්වූවන්ගේ ඥාතීන් වෙනුවෙන් පෙනී සිටි නීතිඥයන් පිරිසක්ය.

එම නීතිඥයන් කියා ඇත්තේ මෙම අස්ථි තැන්පත් කර තිබූ කාමරයේ දොරගුළු කැඞීම හා ජනේලයක් විවෘත තිබීම සැකයට කරුණක් බවයි. එමෙන්ම එම අස්ථි කොටස් ඇති කාමරයේ ආරක්ෂාවට සිටින පොලිස් නිලධාරීන්ගෙන් ඒ ගැන කරුණු විමසිය යුතු බවද එම නීතිඥයන් කියා ඇත.

එම කරුණු දැක්වීමත් සමග සමූහ මිනීවල කැණීම් පාර්ශ්වය වෙනුවෙන් පෙනීසිටි නීතිඥයන් හා අතුරුදන්වූවන් වෙනුවෙන් පෙනීසිටි නීතිඥයන් අතර උණුසුම් වචන හුවමාරුවක්ද සිදුවූ බව මාධ්‍ය වාර්තා කර ඇත.

ඒ අනුව අස්ථි තැන්පත් කර තිබූ කාමරය කැඞීම පිළිබඳව කරුණු දැක්වීම සඳහා පෙබරවාරි 25 දින නඩුව නැවත කැඳවීමට තීරණය කර ඇත.

මෙම සමූහ මිනීවල පිළිබඳව 2018 වර්ෂයේදී තොරතුරු වාර්තා වූ අතර දින 156ක් කැණීම් කිරීමෙන් පසු එය නතර කෙරිණි. ඒ අතර කාලයේදී මිනිස් සිරුරු 300කට අධික සංඛ්‍යාවක අස්ථි කොටස් හමුවී තිබේ.

මෙම සිදුවීම අපට කියන්නේ අධිකරණය බාරයේ පවතින දෙයක්වත් අපට ආරක්ෂා කරගැනීමට නොහැකි බවයි. එම කාමරයේ දොරගුළු කැඞීම යමකු සිතා මතා කළේ නම් එය බරපතළ කාරණයකි. සමහරවිට එම අස්ථි කොටස් සම්බන්ධයෙන් සඟවන්නට දෙයක් යමකුට තිබුණා විය යුතුය.

කොහොමත් අපරාධයකදී සිදුවන්නේ එහි සාක්ෂි විනාශ කිරීමය. වසීම් තාජුදීන් ඝාතනයේදීත් ඔහුගේ සිරුරු කොටස් අධිකරණ වෛද්‍ය නිලධාරියා විනාශ කර ඇති බව හෙළිදරව් විය. සමහරවිට මෙම සිදුවීමත් එවැන්නක් විය හැකිය.

කුරුණෑගල රෝහල් අධ්‍යක්ෂ ඉගිලෙයි

කුරුණෑගල රෝහලේ අධ්‍යක්ෂ වෛද්‍ය සරත් වීරබණ්ඩාරට ඉදිරි මහා මැතිවරණයේදී ශ‍්‍රී ලංකා පොදුජන පෙරමුණෙන් නාමයෝජනා දෙන ලෙසට ඉල්ලීමක් කර ඇතැයි මාධ්‍ය වාර්තා කර ඇත.

එම ඉල්ලීම කර ඇත්තේ කුරුණෑගල රෝහලේ කාර්ය මණ්ඩලය හා සැත්කම් නිසා අගතියට පත්වූ මව්වරුන් ඇතුළු පන්දහසක පමණ පිරිසක් බව එම මාධ්‍ය වාර්තා කියයි.

මේ ආකාරයට වෛද්‍ය සරත් වීරබණ්ඩාරට නාමයෝජනා ඉල්ලා ඇත්තේ කුරුණෑගල දිස්ත‍්‍රික්කයෙන් මැතිවරණයට ඉදිරිපත් වීම සඳහාය.

අගතියට පත්වූයේයැයි කියන සිංහල මව්වරුන්ට සාධාරණයක් ඉටුකිරීම සඳහා පාර්ලිමේන්තුවේ හඬ නැඟීම මෙම ඉල්ලීමේ අරමුණ බවට ඒ සඳහා ඉල්ලීම් කළ රෝහල් කාර්ය මණ්ඩලය හා මව්වරුන් පැවසූ බව එම මාධ්‍ය වාර්තා තවදුරටත් කියා ඇත. එසේම එම ඉල්ලීම ජනාධිපතිවරයාට යොමු කළ බවද දන්වා ඇත.

මේ ඉල්ලීමත් සමග කුරුණෑගල රෝහල් අධ්‍යක්ෂ ගැන වෛද්‍ය සාෆි ෂියාබ්දීන් සිද්ධියේදී අප මතුකළ පාර්ශ්වීයභාවය මොනවට ඔප්පු වේ. ඔහුට දේශපාලන සබඳතා තිබුණේ අමාත්‍ය විමල් වීරවංශ සමගය.

සිංහල මව්වරුන්ට එරෙහි වඳ සැත්කම් වැනි ජාතිවාදීන්ගේ හේතු රහිත චෝදනා හා ප‍්‍රචාරයන් විද්‍යාත්මක තලයේදී හැමදාමත් බොරුවී ඇත. ඒවා පසුපස සිටින්නන්ගේ සැබෑ අරමුණ ජාතිවාදී පදනම භාවිත කර කෙටි මාර්ගවලින් දේශපාලනයේ ඉහළට රිංගාගැනීමය.

මෙහිදී මතකයට නැගෙන්නේ තවමත් හේතු නිශ්චිත නැති වකුගඩු රෝගය ගැන එදා වෛද්‍ය චන්න ජයසුමන ඇතුළු කණ්ඩායමක් නාථ දෙවියන්ගේ පිහිටෙන් කී අවිද්‍යාත්මක සොයාගැනීම්ය. අද ඒ චන්න ජයසුමන පොහොට්ටු පක්ෂයේ විද්වතෙක් වී සිටී.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි