ජනාධිපතිවරයා ඝාතනය කිරීමේ කුමන්ත‍්‍රණයක් ඇතැයි සාක්ෂි නොමැතිව ව්‍යාජ ප‍්‍රකාශයක් කිරීම නිසා ප‍්‍රසිද්ධියට පත්වූ, මත්ද්‍රව්‍ය නිවාරණ ජනාධිපති කාර්ය සාධක බලකායේ සාමාජිකයෙකුද වන නාමල් කුමාර නමැත්තා හෙට්ටිපොල නගරයේ අන්තවාදී ක‍්‍රියාවලට නායකත්වය දී ඇතැයි චෝදනා එල්ලවෙයි.
ශ්රීලනිප මහලේකම් පාර්ලිමේන්තු මන්ත‍්‍රී දයාසිරි ජයසේකර ඇතුළු සිදුවීම පිළිබඳ ඇසින් දුටු පිරිසක් එම චෝදනාව නාමල් කුමාරට එරෙහිව එල්ලකර ඇත. දයාසිරි ජයසේකර මන්ත‍්‍රීවරයා චෝදනා කළේ ඔහු හෙට්ටිපොල පොලිස් ස්ථානයට යද්දී නාමල් කුමාර එම ස්ථානයට පැමිණි පුද්ගලයන්ට දේශනයක් ලබාදෙමින් සිටි බවයි. නාමල් කුමාරද නියෝජනය කරන සංවිධාන කිහිපයක ක‍්‍රියාකාරිකයන් ¥රකථන ඇමතුම්වලින් තරුණයන් සංවිධානය කරමින් පහරදීම් මෙහෙයවා තිබුණු බවත්, තමන් එම තත්වය පාලනය කරන්නට උත්සාහ කළද එය කළ නොහැකි වූ බවත් මන්ත‍්‍රීවරයා කීය. එම සිදුවීමට අදාළ වීඩියෝ හා ඡුායාරූපවලින්ද නාමල් කුමාර එම ස්ථානයේ සිටි බව හෙළිවී ඇත.
එම චෝදනා මත නාමල් කුමාර මැයි 14 වැනිදා වරකාපොළ පොලීසියේදී අත්අඩංගුවට ගෙන ඇත. එසේ අත්අඩංගුවට ගෙන තිබෙන්නේ තමන් හෙට්ටිපොල පොලීසිය අසල සිටියදී, තමන්ට බැණවැදී එළවා දමන්නට දයාසිරි ජයසේකර මන්ත‍්‍රීවරයා උත්සාහ කළ බව චෝදනා කරමින් පැමිණිල්ලක් දැමීමට නාමල් කුමාර වරකාපොළ පොලීසියට ගිය අවස්ථාවේදීය.
ජනාධිපති මෛත‍්‍රීපාල සිරිසේන ඝාතනය කිරීමේ ක‍්‍රමන්ත‍්‍රණයක් ඇතැයි 2018 වසරේදී නාමල් කුමාර මාධ්‍ය සාකච්ඡුාවක් පවත්වා ප‍්‍රසිද්ධියේ ප‍්‍රකාශ කර තිබුණු අතර 2018 ඔක්තෝබර් 26 වැනිදා ආණ්ඩුක‍්‍රම ව්‍යවස්ථා විරෝධී කුමන්ත‍්‍රණයටද එම ප‍්‍රකාශය හේතු වී තිබුණි. කෙසේ වෙතත් පොලීසිය පැවැත්වූ පරීක්ෂණවලදී ජනාධිපතිවරයා ඝාතනය කිරීමේ කුමන්ත‍්‍රණයක් ගැන නාමල් කුමාර සතුව සාක්ෂි තිබී නැතැයි හෙළිවිය. නාමල් කුමාර පොලිස් ඔත්තුකරුවෙකු ලෙස කටයුතු කර ඇත. ඔහු 2016 සිට මත්ද්‍රව්‍ය නිවාරණ ජනාධිපති කාර්ය සාධක බලකායේ සාමාජිකත්වය දරා ඇති බව පසුව හෙළිවිය.
මීට අමතරව සිංහලේ ජාතික බලකාය, මහසොහොන් බලකාය වැනි නම්වලින් හැඳින්වූ අන්තවාදී සංවිධානවල නායකයන් වන ඩෑන් ප‍්‍රියසාද් හා අමිත් වීරසිංහ යන පුද්ගලයන්ද එම පහරදීම්වලට සම්බන්ධ යැයි සැකපිට අත්අඩංගුවට ගෙන තිබේ. x
