No menu items!
19.6 C
Sri Lanka
29 March,2024

ජෙට් හිතවතා ඔබමද?

Must read

අගමැති මහින්ද රාජපක්ෂ හා ඔහුගේ පවුලේ සාමාජිකයන් ඉන්දියාවේ තිරුපති දේවාල වන්දනාව සඳහා ගිය ජෙට් යානාව හිතවතකු විසින් ලබාදුන්නක් බව අගමැතිවරයාගේ කාර්ය මණ්ඩල ප්‍රධානී යෝෂිත රාජපක්ෂ ප්‍රකාශ කර ඇත.


ඔහු එම ප්‍රකාශය කර ඇත්තේ තිරුපති වන්දනාව සඳහා අගමැති මහින්ද රාජපක්ෂ හා පවුලේ සාමාජිකයන් ගිය ජෙට් යානය සඳහා ගෙවූ මුදල කීයක්දැයි සහ ඒ සඳහා අගමැතිවරයාට මුදල් කොහින්දැයි සමාජය තුළ කරනු ලබන ප්‍රශ්න කිරීම්වලට පිළිතුරු වශයෙන්ය.


මෙහිදී එම තිරුපති ගමන සඳහා ජෙට් යානය ලබාදුන් හිතවතා කවුදැයි යන්න හෙළිකිරීම යෝෂිත රාජපක්ෂ ප්‍රකිත්ෂේප කර ඇත. එම ප්‍රතික්ෂේප කිරීමෙන් පෙනෙන්නේ ජෙට් යානය ලබාදුන් පරිත්‍යාගශීලී හිතවතා සම්බන්ධයෙන් රටට සැඟවිය යුතු කිසිවක් තිබෙන බවයි.


සිය පවුලේ සාමාජිකයන් සමඟ අගමැති මහින්ද රාජපක්ෂ තිරුපති වන්දනාවේ යාමත් සමඟ එය නිල කටයුත්තක්දැයි හා ඒ සඳහා රාජ්‍ය මුදල් වියදම් කළාද යන ප්‍රශ්න කිරීම් සමාජයෙන් මතුවූ අතර ඊට පිළිතුරු වශයෙන් අගමැතිවරයා කීවේ එය පෞද්ගලික සංචාරයක් බවයි.


අතිවිශාල මුදලක් වැයවන මෙවැනි පෞද්ගලික ජෙට් යානයක් ලබාදුන්නේ යැයි කියන හිතවතා අනිවාර්යෙන් සාමාන්‍ය පුද්ගලයකු විය නොහැකි අතර ප්‍රමුඛ පෙළේ ව්‍යාපාරිකයකු විය යුතුය. රටේ අගමැතිවරයා සිය පෞද්ගලික කටයුත්තක් සඳහා එවැනි උපකාරයක් ලබා ගැනීම සුළුවෙන් තැකිය යුත්තක් නොවේ. අල්ලස හා දූෂණය සම්බන්ධයෙන් විමර්ශන බාරව සිටින ආයතන වහාම මැදිහත් විය යුතු කටයුත්තකි.

එහෙත් මේ ශ්‍රී ලංකාව නිසාත් සිද්ධියට සම්බන්ධවී සිටින්නේ අගමැතිවරයාද වන රාජපක්ෂවරයකු නිසාත් වෙනත් රටවල මෙන් මෙහිදී මේවා බරපතළ ප්‍රශ්න වන්නේ නැත. හිටපු මුදල් අමාත්‍යවරයකු වූ රවී කරුණානායකට චෝදනා එල්ල වූයේ මහ බැංකු බැඳුම්කර වංචාවට සම්බන්ධ පර්පෙචුවල් ටේ‍රෂරීස් සමාගමේ අර්ජුන් ඇලෝසියස් කරන ලද ගෙවීමක් මගින් නිවසක් ලබා ගැනීම සම්බන්ධයෙන්ය. මෙහිදී මහින්ද රාජපක්ෂට ජෙට් යානය ලබාදුන් පුද්ගලයා කවුදැයි හෙළිදරව් කරගතහොත් එම පුද්ගලයා හා රාජ්‍ය ගනුදෙනු අතර ඇති සම්බන්ධය සොයා ගැනීමද අමාරු වන්නේ නැත.


ජෙට් යානය කුලියට ලබා ගැනීම සම්බන්ධයෙන් යෝෂිත රාජපක්ෂ එසේ කීවත්, ඇත්තටම එවැනි පුද්ගලයකු නැත්නම් අනිවාර්යෙන්ම ඒවා රාජපක්ෂවරුන් සතු මුදල් විය යුතුය. ඊළඟ ප්‍රශ්නය වන්නේ රාජපක්ෂවරුන්ට එතරම් මුදල් කොහින්ද යන්නය. අගමැති මහින්ද රාජපක්ෂත්, ඇමති නාමල් රාජපක්ෂත්, අගමැති කාර්ය මණ්ඩල ප්‍රධානි යෝෂිත රාජක්ෂත් හැර එම පවුලේ කිසිවකු රැකියා කරන්නේ නැති අතර නිල වශයෙන් ව්‍යාපාර කරන්නේද නැත.


අගමැතිට, ඇමතිට හා කාර්ය මණ්ඩල ප්‍රධානියාට රජයෙන් ගෙවන වැටුප් හා දීමනාවලින් මෙවැනි දේවල් කළ නොහැකි බව අප කවුරුත් දන්නා සත්‍යයය. එහෙත් අප තවදුරටත් දන්නා සත්‍යය වන්නේ එසේ වූ රාජපක්ෂවරුන් කෝටි ප්‍රකෝටි ගණන් උපයන අය මෙන් අති සුඛෝපභෝගි ජීවිත ගතකරන බවය. ඒ සඳහා සල්ලි කොහෙන්ද? වෙන රටකදී මෙන් මේ රටේදී නිල රාජ්‍ය යාන්ත්‍රණය ප්‍රශ්න නොකරන්නේ එයය.■


- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි