No menu items!
26.1 C
Sri Lanka
28 March,2024

ආනයනික කන්ටේනර් ගාස්තු අයනොකර වරායෙන් පිටට

Must read

කොළඹ වරායෙන් පිටතට රැගෙන යන ආනයනික බහලුම්වලට අදාලව වරාය ගාස්තු ගෙවා ඇත්දැයි පරික්ෂා නොකර ඒවා වරායෙන් පිටතට රැගෙන යෑමට අවශ්‍ය කටයුතු කරන ලෙස වරාය අධිකාරියේ කළමනාකාර අධ්‍යක්ෂ උපුල් ජයතිස්ස එහි ආරක්ෂක අංශයට උපදෙස් ලබාදී ඇත.


මෙසේ පරික්ෂා නොකර වරායෙන් පිටකරන ලෙස දැනුම් දී ඇත්තේ ආනයනික බහලුම් සඳහා අයකරන රජයේ බදු නොවන වරාය ප්‍රමාද ගාස්තු ඇතුලු වරායට හිමිවිය යුතු ගාස්තු ගාස්තුය.


මෙම උපදෙස් සම්බන්ධයෙන් එහි ආරක්ෂක අංශ ප්‍රධානීන් ලොග් සටහන් තබා ඇති අතර ඒ අගෝස්තු 13 දින සහිතවය.


කොළඹ වරායෙන් පිටතට රැගෙන යන ආනයනික බහලුම් වරාය ගාස්තු ගෙවා ඇත්දැයි එහි දොරටුවල ඇති පරිගනක මගින් වරාය ආරක්ෂක අංශ පරික්ෂාවට ලක්කරන අතර එම පරික්ෂාවන් අනුව නියමිත ගාස්තු ගෙවා නැති බහලුම් වරායේ පිටතට රැගෙන යෑමට අවසර හිමිවන්නේ නැත. එහ බහලුම්වලට වරායෙන් පිටතට යෑමට හැකිවන්නේ නියමිත ගාස්තු ගෙවීමෙන් පසුය.


මේ සම්බන්ධයෙන් විමසීම සඳහා ශ්‍රී ලංකා වරාය අධිකාරියේ කළමනාකාර අධ්‍යක්ෂ උපුල් ජයතිස්ස දුරකතනයට සම්බන්ධකර ගැනීමට උත්සහ කළද එය ව්‍යාර්ථ විය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි