No menu items!
19.6 C
Sri Lanka
29 March,2024

අපෙන් කොළඹට කොවිඞ්-19 පැතිරෙන්න පුළුවන්.. අපි සේවයෙන් අයින් වෙනවා – කොළඹ සෞඛ්‍ය නිලධාරීහු කියති

Must read

තමන්ව පීසීආර් පරීක්ෂණයට ලක් කරන ලෙස ඉහළ නිලධාරීන්ගෙන් කරන ලද ඉල්ලීමක් ඉටු නොකළ බවත් තමන්ට කොවිඞ්-19 රෝගය ඇතිදැයි සැකයක් ඇති බවත්, එම නිසා තමන් සේවයෙන් ඉවත්ව දින 14ක ස්වයං නිරෝධායනයට යොමුවෙන බවත් කොළඹ සෞඛ්‍ය වෛද්‍ය නිලධාරීවරයෙකු සහ මහජන සෞඛ්‍ය පරීක්ෂකවරුන් පිරිසක් ලිඛිතව දැනුම් දී ඇත.

කොළඹ නගර සීමාව තුළ 2ඒ නමින් හඳුන්වන කලාපයෙහි සේවය කරන සෞඛ්‍ය වෛද්‍ය නිලධාරී ඩබ්ලිව්.කේ. චන්ද්‍රපාල සහ එම නගර සීමාවේ මහජන සෞඛ්‍ය නිලධාරීවරුන් 12 දෙනෙකු ඒ බව ලිපියකින් දැනුම් දී ඇත.

අපේ‍්‍රල් 29 වැනිදා කොළඹ මහනගර සභාවේ ප‍්‍රධාන සෞඛ්‍ය වෛද්‍ය නිලධාරීවරයා වෙත එම ලිපිය යොමුකර ඇත. එම සම්පූර්ණ ලිපිය මෙසේය.

‘දැඩි අවදානමක් සහිතව සේවය කරන අප කාර්ය මණ්ඩලය පීසීආර් පරීක්ෂණයට ඉල්ලූම් කළද මුඛ ආවරණයක් සෞඛ්‍ය කාර්ය මණ්ඩලයට ප‍්‍රමාණවත් බව වෛද්‍ය සමිත මහතා (අධ්‍යක්ෂ වසංගතවේදී අංශය)පැවසූ අතර, රෝග ලක්ෂණ පහළ වූ පසුව පරීක්ෂණ කළ හැකි බව වෛද්‍ය විජයමුණි මහතා (ප‍්‍රධාන සෞඛ්‍ය වෛද්‍ය නිලධාරී) පැවසීය.

අප හට රෝගය ආසාදනය වීමේ සැකය මත දැඩි මානසික ආතතියට අප ලක්ව ඇත.

එයට හේතුව වන්නේ කොළඹ 12 බණ්ඩාරණායක මාවත ප‍්‍රදේශයෙන් අපේ‍්‍රල් මස 15 සිට අපේ‍්‍රලේ මස 26 වන දින දක්වා කෙටි කාලය තුළ කොවිඞ්-19 පොසිටිව් රෝගීන් 97ක් සහ ආශ‍්‍රිතයන් 1300ක පමණ පිරිසක් නිරෝධායන කඳවුරු සඳහා යොමු කළ මහජන සෞඛ්‍ය පරීක්ෂකවරුන් සහ සෞඛ්‍ය වෛද්‍ය නිලධාරී කොවිඞ්-19 රෝගය ආසාදනය වුවහොත්, කොළඹ නගරයේ දිසා අංක 2ඒ සෞඛ්‍ය වෛද්‍ය නිලධාරී කොට්ඨාශයට අයත් රජයේ ප‍්‍රධාන මර්මස්ථාන බොහොමයකි පිහිටා ඇති කොළඹ 01, 11, 12, 12 සහ කොළඹ 14 ප‍්‍රදේශය සේවා ලාභීන් වන 137,000ක ආසන්න රජයේ සේවකයන් ඇතුළු මහ ජනතාව තුළ වසංගත ත්වයකට මෙම රෝගය පැතිර යෑමට ඉඩ ඇත.

එම නිසා මහජනතාවගේ සුරක්ෂිතභාවය තහවුරු කිරීම සඳහා කටයුතු කරන අප, රෝගී වීමේ දැඩි අවදානමක් ඇති නිසා අප කාර්ය මණඩලය අද දින සිට දින 14ක ස්වයං නිරෝධායනයට යොමු වීමට තීරණය කළෙමු.’

සබැඳි පුවත්

https://news.gettopten.com/%e0%b6%b1%e0%b7%92%e0%b6%bb%e0%b7%9d%e0%b6%b0%e0%b7%8f%e0%b6%ba%e0%b6%b1%e0%b6%ba%e0%b7%9a-%e0%b7%83%e0%b7%92%e0%b6%a7%e0%b7%92-%e0%b6%b1%e0%b7%92%e0%b6%bd%e0%b6%b0%e0%b7%8f%e0%b6%bb%e0%b7%93%e0%b6%b1/
- Advertisement -

පුවත්

3 COMMENTS

LEAVE A REPLY

Please enter your comment!
Please enter your name here

- Advertisement -

අලුත් ලිපි