■ ඇන්තනී වෙරංග පුෂ්පික
අනුරාධපුර දිස්ත්‍රික්කයේ පාසල් ළමුන් සහ ගුරුවරුන් විශාල වශයෙන් කොරෝනා රෝගීන් වීම හේතුවෙන් සෑම පාසලකම පංති කාමර හතරක් හෝ පහක් වසා දැමීමට සිදු වී ඇති බව ලංකා ගුරු සංගමයේ සභාපති ප්‍රියන්ත ප්‍රනාන්දු අනිද්දා කළ විමසීමක දී ප්‍රකාශ කළේය.
වැඩි දුරටත් අදහස් දක්වමින් ප්‍රියන්ත ප්‍රනාන්දු මහතා ප්‍රකාශ කළේ වාහල්කඩ, පදවිය, රාජාංගණය වැනි ප්‍රදේශවල කොරෝනා රෝගීන් විශාල වශයෙන් හමු වීම නිසා එම ප්‍රදේශවල පාසල්වලට ළමුන් නොපැමිණෙන බවයි. එමෙන්ම ලංකාව පුරාම පාසල්වල 50% වඩා වැඩි ප්‍රමාණයකට දරුවන්ට හෝ ගුරුවරුන්ට කොරෝනා රෝගය වැළඳී ඇති බවත් පාසල්වල ගුරුවරුන්ට සහ ළමුන් පී.සී.ආර් කිරීමට, නිරෝධායනයට සහ අධීක්ෂණය සඳහා කිසිඳු වැඩපිළිවෙලක් නොමැති බව ප්‍රකාශ කළේය.■
